„Каков удар сине!“ - Македонските познати личности со емотивни објави по смртта на актерот Славиша Кајевски

Детали

четврток, 02 декември 2021

Од Весна Петрушевска и Јелена Јованова до нашата Министерка за култура, веста за смртта на актерот Славиша Кајевски ги потресе сите. „Ама зошто бе Славиша, зоштооо? Нека ти е светол патот“, напиша Јелена Јованова.

Тага, болка, неверување... Смртта на младиот актер Славиша Кајевски ја потресе цела држава.

Македонските познати личности со емотивни објави по неговата смрт:

Весна Петрушевска

„Каков удар сине! Монструозен и подмолен шок. За мене ќе бидеш мојот син Раде од Министерка, те сакам убавецу... Одмори се и поздрави ги другарите.“

Благој Веселинов (актер)

„Веќе фалиш Орте.“

Нина Јанева

„О Боже... О Боже не ми се верува... Почивај во мир.“

Драган Спасов Дац

Ирена Стефоска (Министерка за култура)

„Славиша, израз на добрина и човечност, висока професионалност. Прекината е богата кариера. Остануваат впечатливи ликови кои секогаш ќе сјаат и ќе зборуваат за една голема актерска ѕвезда. Со длабока тага, изразувам сочувство до семејството, колегите, пријателите. Нека ти е светол патот, Славиша.“

Миа Костова

„Мирно небо Славиша.“

Јелена Јованова

„Ама зошто бе Славиша, зоштооо? Нека ти е светол патот.'

Kристина Арнаудова

„Денес нашиот Славиша Кајевски, нашиот пријател, голем актер, душа памук, секогаш спремен за забава и шеги, со кој имаме поминато многу незаборавни моменти, замина од каде што враќање нема.

Почивај во мир душо убава и чиста, немаме зборови да ја искажеме нашата тага и неверување… Другарот на Алескандар со кој цело време си правете муабет за ракометот. Ќе недостигаш… многу... на сите! Нашето семејство нема никогаш да те заборави… Ова е последен поздрав од нас, Кристина, Александар, Максим и Матео… Летај душо сега. Таму е сигурно подобро.“

Eлена Ристеска

„Господе зошто овој човек?! Зошто уште еден предобар човек, млад живот и преталентиран актер?! Во шок и неверување сум!!! Во солзи... не постојат зборови да ја опишат тагата… Славиша.“

/

С. С. | Црнобело