Македонската инфлуенсерка Марис во комбинезон со пердуви се венчаше во манастирот Бигорски (фото)

Детали

среда, 23 февруари 2022

На најубавото место во Македонија Марија Јовева од Штип, позната како Марис Џолин на Инстаграм, ја овековечи својата љубов со саканиот во уникатна креација и со прстен со раскошен „кралски“ дизајн.

Марија Јовева од Штип, позната како Марис Џолин на Инстаграм, е македонска модна инфлуенсерка со повеќе од 51.000 следбеници на Инстаграм.

Таа со својот партнер извесен период престојуваше во Шведска и најави дека се враќа во Македонија со специјален повод.

Не откри ништо до самиот ден, а всушност стануваше збор за нејзината венчавка.

Вчера (22.02.2022) таа ја круниса својата долгогодишна љубов во манастирот Бигорски, а за оваа пригода облече бел комбинезон со пердуви во горниот дел и бела долга бунда. За овој датум се вели дека е специјален поради секвенцата 222.

Прославата продолжи во еден локал со музика и многу насмеани лица. Марија како и секогаш ведра и со насмевка, покрај саканиот.

На нејзината рака блескаше раскошен свадбен прстен со уникатен дизајн.

Младоженецот беше елегантен во класичен костум, надополнет со интересен детаљ - црвени чорапи.

Фотографии од нејзиниот свадбен ден, oд Инстаграм Стори на нејзиниот профил:

С. С. | Црнобело