CRNOBELO.com е најдобриот забавен сајт за 2021-ва - 0 вести политика и повеќе од 250 интервјуа со Македонци

Детали

недела, 13 март 2022

Горди сме! 258 објавени квизови по општи познавања, 156 интервјуа со Македонци на тема патувања, професии, животни битки, 135 рецепти, 86 домови на Македонци во серијалот „Во домот на...“, 53 листи со предлози за книги, 48 листи со филмски предлози, најобемниот соновник...

Уште еднаш ни покажавте доверба, уште еднаш во овие 14 години постоење ни дадовте признание дека CRNOBELO.com е најдобриот сајт во категорија Забава на изборот на Сајт на годината, овојпат за 2021-ва.

Ви благодариме од срце!

Нескромно ќе кажеме дека чувствуваме дека е заслужено затоа што во 2021-ва година имавме:

0 политички вести

258 објавени квизови по општи познавања, од областа на географија, историја, природни науки, визуелни предизвици, математички и логички загатки

156 интервјуа со Македонци кои патуваат и живеат низ светот, странци кои живеат или ја посетиле Македонија, занаетчии, инспиративни ликови, специфични професии, луѓе што се избориле со болести, спортисти, уметници

135 рецепти

86 домови на Македонци, кои ги споделуваат идеите и инспирацијата за уредувањето за серијалот „Во домот на...“

53 листи со предлози за книги

48 листи со филмски предлози

23 авторски репортажи со лични искуства на наши автори од патувања низ Македонија и светот и статии „Запознај ја Македонија...“

10 разговори со колекционери

10 репортажи од серијалот „Бродски дневник“ на наша дописничка која работи на брод

10 авторски рецензии на технолошки уреди

9 запросувања на Македонки

9 статии за локалите низ Македонија, од ентериер и тематско китење до препораки за вкусни специјалитети и пијалаци

5 интервјуа со Македонци за нивните миленици

Креиран најобемен соновник со повеќе од 10.000 толкувања

Многу новоотворени теми на нашиот Црнобело Форум, каде досега има вкупно 4.960 теми

И што уште не!

Плус, инспирација сме за многу други наши медиуми, па голем дел од нашите соговорници инстантно завршуваат на ТВ екраните. Добиваат покани за гостувања веднаш по нашата објава, се говори за нив, се црпат идеи од кај нас, едноставно се чита и се дебатира за прочитаното.

И драго ни е поради тоа! Мило ни е што сме влијателни, мило ни е што сме инспиративни, мило ни е што нашиот начин на работа и личностите со кои разговараме инстантно стануваат актуелни.

Им благодариме на соговорниците, им благодариме на соработниците, и пред сè ви благодариме Вам, драги наши читатели!

14 години се многу, но се радуваме на уште толку, па и многу повеќе...

Ние имаме уште многу што да ви кажеме, а се надеваме дека и вие едвај чекате да прочитате.

CRNOBELO.com е најдобриот сајт во категорија Забава за 2021-ва година и си посакуваме токму таков да остане и во годините што ни претстојат.

Тимот на CRNOBELO.com