Браво Македон: Седумгодишниот генијалец од Тетово доби златни медали на натпревар по математика (фото)

Детали

четврток, 09 јуни 2022

Седумгодишниот генијалец од Тетово кој годинава победи на натпревар по математика во кој учествуваа 4.000 учесници во 22 земји, конечно ги доби и златните медали од натпреварот и позираше со нив. 

Со посебна церемонија по повод крајот на учебната година, на седумгодишниот Македон Димитровски му беа врачени златните медали што ги освои на натпреварот „Математика без граници“, а гордите родители ги споделија фотографиите на социјалните мрежи.

Македон Димитровски е 7-годишен генијалец од Тетово, кој говори повеќе јазици меѓу кои германски, англиски, кинески и арапски, а решава математички задачи наменети за втора година средно образование.

Тој неодамна одржа лекција по историја и географија, што стана хит на социјалните мрежи.

Според првичните процени малиот тетовец има IQ 134, а се очекува со текот на возраста да порасне на 145 – 150.

Македон исто така се интересира и за другите науки, меѓу кои астрономија, географија, историја...

Прочитајте и Таткото на 7-годишниот генијалец Македон од Тетово: „Ние не го форсираме детето, тој сам научи да зборува 4 јазици, а математиката му е омилена“

Погледнете ги фотографиите во продолжение:

Б. С. Б. | Црнобело