Кои познати Македонци добија принова во 2025-та?

Детали

петок, 19 декември 2025

Некогашната кошаркарка Едина Муса стана мајка и го доби синот Максим, син доби и Миро Кацаров, а капитенот на фудбалската репрезентација, Енис Барди, во октомври доби ќерка - 2025-та беше плодна за македонските јавни личности.

Во 2025-та прва се породи планинарката Ирина Камилоска, а последен, пред крајот на годината, син доби пејачот Виктор Апостоловски.

Некои јавни личности кај нас првпат се остварија како родители, а други го добија своето второ дете.

Погледнете кои познати Македонци добија бебиња во 2025-та:

Водителот Миро Кацаров и сопругата Ивана, пред крајот на годината, станаа родители на синче, кому му го дадоа името Тадеј.

Пејачот Виктор Апостоловски и неговата сопруга Милена, добија син и му дадоа библиско име - Адам.

Кристијан Станковски - Бомбакис во септември стана татко на Јована, која е негова втора ќерка.

Капитенот на фудбалската репрезентација на Македонија, Енис Барди, стана татко во октомври - неговата сопруга Фестина роди девојче, на кое со фудбалерот ѝ го дадоа името Аја.

Поранешната кошаркарка и фитнес инструктор, Едина Муса и нејзиниот сопруг Александар Димитровски - Мачка, го добија синот Максим во средината на февруари.

Модната инфлуенсерка Ксенија Деспотоска, ја роди ќерката Надја.

Актерката Симона Живковска, која по мајка е Македонка, а гради кариера во Велика Британија, го доби своето прво дете со партнерот Тео Џонсон на 21-ви мај.

Инфлуенсерката и некогашна пејачка Зои Блаж, односно Зорица Матијашич, доби ќерка со словенечкиот ракометар Тадеј Матијашич.

Планинарката Ирина Камилоска, се породи во јануари и со сопругот Павле Камилоски на ќерката ѝ го дадоа името Лена.

Еден од најхуманите Македонци, Борче „Донирај компјутер“ стана татко, а со сопругата ја добија ќерката Каја.

А. Ј. | Црнобело