Браво, наши медицински лица! Втора трансплантација на црн дроб во Македонија, пациентот си оди дома

Детали

среда, 25 јануари 2023

Џевдет си оди дома... Емотивни фотографии од испраќањето дома на пациентот на кој му беше изведена втората трансплантација на црн дроб од починат дарител во Македонија.

Мирјана Бурмузоска, која беше дел од медицинскиот тим, кој ја изведе првата трансплантација на црн дроб од починат дарител во Македонија и при која 60-годишен пациент доби здрав орган од пациентка со мозочна смрт, чие семејство се согласи да ги донира органите, објави уште една среќна вест.

Сега е изведена втора трансплантација на црн дроб во Македонија.

Нејзината објава на Фејсбук гласи:

„Втора трансплантација на црн дроб

Нов почеток за Џевдет. Секоја чест, анестезиолозите и анестетичарите, врската помеѓу сите останати тимови, најбитниот дел од сложувалката наречена трансплантација... За сите дискусии меѓу нас, за сите прочитани трудови, за сите споделени искуства, за сите научени новини, за сите непреспиени ноќи, за сите дилеми и тешки одлуки, за сите падови, за секоја минута во овие 3 недели посветена на пациентот, за трудот на секој од нас за ова да биде успех. За уште многу големи соништа пред нас...

(Сликата е објавена со дозвола од пациентот)

С. С. | Црнобело