Започна со М2, победи на Макфест и го трансформираше својот изглед – Бојана Скендеровски низ годините (фото)

Детали

четврток, 26 јануари 2023

Најголем хит ѝ беше песната „Дилема“ која до ден-денес се пее, покрај музика се впушти и во водителски води, експериментираше со изгледот низ годините, има своја продукција и е горда сопруга и мајка на две деца - што прави и колку се промени Бојана Скендеровски?

Бојана Скендеровски (38), е една од пејачките на македонската естрада која има долгогодишна музичка кариера, позната ни е по многу хитови кои се пеат со години, но беше активна и во водителските води.

Постојано го негува својот изглед, работи на себе и низ годините направи голема трансформација, а често знае да ги почести фановите со фотки од некој интересен стајлинг.

Неколку факти за Бојана во продолжение:

Се прослави со нејзиното моминско презиме Атанасовска, кога во раните 2000-ти години беше дел од талент-шоуто М2 како една од финалистките со песната „Живеј со прашањето“.

Eден од нејзините поранешни поголеми хитови кој до ден-денес се пее е песната „Дилема“ со Роберт Билбилов и Тони Зен. 

https://www.youtube.com/watch?v=-Vi1DDFmk8c

Бојана се има закитено со две победи на Макфест. Првата е од 2003 година со песната „Немам одбрана“, а втората победа е од 2015 со „Диви цветови“.

https://www.youtube.com/watch?v=omD3PHr-2X0

https://www.youtube.com/watch?v=eUAEouuhUlM

Беше активна и во водителските води со своја емисија „Улица Македонија“ каде што канеше на разговор познати личности и знаеше да запее и таа со бендот.

Низ годините таа повеќепати експериментираше со физичкиот изглед, фризурата и стајлингот, па некогаш за многумина беше дури и непрепознатлива.  

Денес сé уште се занимава со музика и со сопругот имаат своја продукција, прави нови песни и ја препеа македонската народна песна „Море сокол пие“ за која направи спот со филмски кадри.

https://www.youtube.com/watch?v=6HHSWy4R_KU 

Бојана е мајка на Искра и Ѓорѓи со кои често знае да сподели семејна фотографија. 

Погледнете уште неколку од нејзините понови песни:

;

https://www.youtube.com/watch?v=7vW_XU6mFoA 

https://www.youtube.com/watch?v=haTfhwPwfVc 

На следната страница погледнете повеќе фотографии како изгледа денес Бојана...