Александар Дадар ужива во луксузот на Дубаи - познатиот шминкер на патување со Софија Каракаева (фото)

Детали

четврток, 02 март 2023

Мејкап артистот Александар Билјановски Дадар веќе неколку дена ужива во луксузот на Дубаи, a друштво му прави неговата блиска пријателка Софија Каракаева, со која објавува фотографии на социјалните мрежи. 

Од ручек на плажа пред Бурж Ал Араб, првиот хотел со седум ѕвезди, до вечера со поглед на Бурџ Калифа, највисоката зграда на светот, Дадар не крие дека ужива во луксузот на патувањето во Дубаи.

На Инстаграм тој сподели дека ја посети и Дубаи Марина, но и популарниот и луксузен хотел „Atlantis The Royal Dubai“.

Облечен во црни и бели комбинации, Дадар го привлече вниманието на неговите следбеници на Инстаграм, кои велат дека и самите се забавуваат додека ги гледаат фотките и видеата што ги објавува.

„Ни донесе малку сонце во ова сивило“, пишува во коментарите.

Дадар, кој повеќе од 15 години важи за еден од најдобрите шминкери во Македонија, е познат по својата страст за патување.

Тој често оди на интересни и егзотични дестинации, за кои вели дека му се оддишка од работата.

Повеќе фотки од неговото патување во Дубаи, објавени на Инстаграм: 

А. Ј. | Црнобело