10 филмски премиери на Нетфликс што не треба да ги пропуштите оваа есен

Морничав документарец за убиство во Флорида, забавна драма со Џорџ Клуни, но и адаптација на добропознатата „Франкенштајн“ од Мери Шели – што ќе гледаме оваа есен?

Ако немате време да се посветите на серија, Нетфликс има сè подобра и подобра понуда на филмови.

Само оваа есен ќе има десетици нови наслови, од кои голем дел се и во продукција на Нетфликс.

10 филмски премиери на Нетфликс што треба да ги изгледате оваа есен:

Steve

• 3-ти октомври

Со Килијан Марфи во главната улога, дејството на филмот се фокусира на важен ден од животот на наставник и неговите ученици.

Додека се обидува да спроведе реформи во училиштето, тој води и лична битка со менталното здравје.

The Woman in Cabin 10

• 10-ти октомври

Главниот лик е новинарка која сведочи на убиство на луксузна јахта.

Иако никој не ѝ верува и пробуваат да ја убедат дека она што го видела е лага, таа си го ризикува животот за да најде одговори на прашањата што ја мачат.

She Walks in Darkness

• 17-ти октомври

She Walks in Darkness е снимен според вистинска операција, која претставува пресврт во борбата против тероризмот во Шпанија.

Главниот лик е млада агентка која во 1990-тите и 2000-тите е инфилтрирана во терористичка организација.

The Perfect Neighbour

• 17-ти октомври

The Perfect Neighbor е морничав документарец за убиство во Флорида.

Кавга меѓу двајца соседи ескалира со убиство, а документарецот ја следи истрагата, преку снимки од камерите на полицајците.

A House of Dynamite

• 24-ти октомври

Со одлична актерска екипа и во режија на Кетрин Бигелоу, A House of Dynamite е динамичен трилер.

Кога кон САД е лансиран проектил, надлежните почнуваат трка со времето за да откријат кој стои зад него, но и како да одговорат на нападот.

Продолжува на следната страница...