На 56 години, Мирјана Сионова од Охрид го стори тоа што многумина само сонуваат – ја издаде својата прва книга

„’Европа нè чека нас‘ е повеќе од книга. Таа е потсетник дека никогаш не е доцна да ги следите своите соништа и доказ дека на 56 години можете да биде успешни, смели и легендарни истовремено“, вели Мирјана Сионова од Охрид за својата книга.

Додека повеќето се задоволуваат со рутината, Мирјана Сионова тргна на нешто што малкумина би е осмелиле.

На 56 години, овој успешен претприемач, инспирација и вистински авантурист, ја издаде својата прва книга - „Европа нè чека нас“, плод на 2-годишен самостоен труд и лична визија.

Книгата е збир на патописи што ќе ги инспирираат вашите следни авантури.

Мирјана ве води низ 14 европски земји и 50 различни дестинации, вклучувајќи 17-дневно патување низ централна Европа со автомобил, нудејќи една поинаква перспектива врз патувањата што малку ќе ве едуцира, малку ќе ве инспирира, а и малку ќе ве насмее.

„Не сакав да бидам само уште еден обичен турист. Сакав да ја видам Европа како што малкумина ја гледаат, со очите на човек што не се плаши да живее со полни гради.

Ова патување ми покажа дека храброста, љубопитноста и љубовта кон животот можат да ве однесат подалеку отколку што некогаш сте сонувале“, вели Мирјана.

„'Европа нè чека нас' е повеќе од книга. Таа е потсетник дека никогаш не е доцна да ги следите своите соништа и доказ дека на 56 години можете да бидете успешни, смели и легендарни истовремено“.

„Самото создавање на книгата беше едно интересно патување, кое траеше две години, полно со дијалози меѓу мене и моето внатрешно јас.

Исто така, сакам да ве информирам дека книгата наскоро излегува и на англиски јазик во Америка, па така ќе биде достапна за поголем број читатели и се надевам дека ќе ја изврши својата функција кон популаризација на нашата земја и нашиот народ“.

Достапност:

Македонска верзија: во продавницата на авторката, на ул. Гоце Делчев бр. 34 во Охрид

Англиска верзија: достапна на Amazon наскоро