5 книги на Ден Браун кои мора да ги имате во домашната библиотека

Познатиот американски писател на трилери, Ден Браун кој го освои светот со своите книги е еден од најдобрите писатели во историјата на писателството.

Како доказ за тоа се овие 5 негови книги кои мора да ги имате во својата домашна библиотека, бидејќи верувајте ќе посакате да ги прочитате повеќе од еднаш.

„Точка на измама“

Совршен роман во кој се испреплетуваат историја, политика, романтика, модерно и суптилно на едно место.

Сето тоа во една приказна за шокантна измама која во книгата делува како контраверзна закана за светот, а за што се работи точно, дознајте сами.

„Загубениот симбол“

Еден од неговите најдобри романи е токму овој. Мистеријата која ќе ви ги зароби очите до последната страница, а можеби ќе ви отвори нов поглед кон светот, сè уште непознат за вас.

„Инферно“

Во оваа книга се раскажува за брилјантниот научник кој докажал дека за да се спаси човештвото од скоро 8 милијарди луѓе, потребно е да се убијат половина од нив.

Дали вие би дозволиле тоа да се случи после неговите објаснувања е прашањето на Ден Браун кое ќе ве натера да се замислите.

„Ангели и демони“

Трилер - акција кој нема да ве остави рамнодушни со својот заплет. Изгубени симболи, древни тајни братства, белези, катедари и што уште не во стилот на Ден Браун собрани во оваа книга која вреди да се прочита.

„Кодот на Да Винчи“

Не е потребно да се објаснува ништо во врска со оваа книга, бидејќи е една од најпознатите ширум светот според која е снимен и филм.

Дали она што го пишува Ден Браун во „Кодот на Да Винчи“ е вистина или само плод на неговата фантазија, оставаме на вас да одлучите.