4 книги кои треба да ги прочитате пред да се екранизираат во 2016-та

Доколку спаѓате во онаа група на луѓе кои сметаат дека книгата е секогаш подобра од филмската верзија, имате уште малку време да ги прочитате книгите кои се планира да се екранизираат во текот на 2016-та.

Холивуд во последно време сè повеќе бестселерите ги претвора во блокбастери, но додека сме во исчекување на филмските адаптации, збогатете се со уште барем едно книжевно дело.

1. Allegiant – Вероника Рот

Датум на премиера на филмот: 18-ти март

Ако мислевте дека третиот и последен дел од трилогијата Divergent не може да биде повозбудлив, се излажавте. Трис и Четири овојпат тргнуваат во истражување на надворешниот свет, со надеж дека конечно ќе ги најдат одговорите кои долго ги интересираат. Покрај тоа, драмата, адреналинот и хаосот ескалираат во овој дел.

2. The Girl on the Train – Пола Хокинс

Датум на премиера на филмот: 7-ми октомври

Романот на Пола го очекуваме на филмското платно со Емили Блант во главната улога. Овој психолошки трилер всушност е приказна за девојка која со игра на случајноста станува сведок на убиство. Така станува вплеткана во мистеријата и понатамошното истражување.

3. Fantastic Beasts and Where to Find Them – Џ. К. Роулинг

Датум на премиера на филмот: 18-ти ноември

Поминаа долги 4 години откако бевме сведоци на последниот дел на Хари Потер, а сега Џ. К. Роулинг се враќа со уште една магична приказна. Во книгата и филмот се работи за момче кое е во потрага по магични суштества. Па, ако го сакавте Хари Потер, сигурно ќе ве привлече и оваа приказна.

4. Let It Snow – Џон Грин

Датум на премиера на филмот: 9-ти декември

Вистинска љубовна приказна која поврзува три романси кои се одвиваат за време на Бадникова вечер. Гужвата која трае во текот на целата ноќ, го претвора малото гратче во љубовна, романтична оаза. Барем до некаде...

Д. М. | Црнобело