Инспиративни совети за пишување од големите автори

Сите ние понекогаш имаме некакви идеи во главата за кои кога би знаеле да ги пренесеме на хартија би стекнале слава како Толстој, Достоевски или можеби Ден Браун.

Во голем дел од случаите тоа што ни недостасува е верувањето во сопствените идеи и инспирација која ќе нè поттикне да го направиме сето тоа.

Во таквите моменти помислете дека ниту Ден Браун не станал успешен преку ноќ и без еден куп напишани и искинати страници.

Пишувањето е нешто за кое е потребен талент, но нешто кое е многу поважно е стекнувањето вештина. А, тоа е нешто кое може да се научи.

Ова се најдобрите совети за инспирација од врвните писатели:

1. „Секогаш постои нешто што ве привлекува и ви е интересно, од причина која не можете да си ја објасните. Тешко е да си ја објасните, бидејќи никогаш не сте ја прочитале на ниедна страница. Тоа е вашиот почеток.“ – Ени Дилард

2. „Научив да пишувам читајќи ги книгите кои посакувам да сум ги напишала“ – Барбара Кингсолвер

3. „(Писателот) е магнет кој поминува низ вистински свет земајќи го од него тоа што им е потребно (на луѓето)“ – Реј Бредбери

4. „Реченицата е машина. Има своја работа која треба да ја изврши. Само еден дополнителен збор во реченицата е како непотребен додаток кој ја забавува.“ – Ени Дилард

5. „Сетете се на сите мажи и жени кои постигнале нешто пред вас. Тоа е друштвото кон кое треба да целите“ – Алан Мур

М. С. | Црнобело