Книга со загатки каде секоја страница мора да биде решена за да преминете на следната

Постојат книги кои се тешки за читање и бараат максимална концентрација, но само неколку ја имаат тежината на „Codex Silenda“.

Зошто? Бидејќи таа нема да ви дозволи да преминете на следната страница сè додека не ја решите загатката на страницата која ја читате.

Рачно изработената книга се состои од 5 дрвени страници и е дело на индустрискиот дизајнер Брејди Витни.

„Секоја страница содржи посебна загатка која бара од читателот да биде правилно решена за да може да продолжи со читање на следната страница“ – објаснува тој. „Како што читателот ги „отклучува“ страниците, започнува да ја отклучува и приказната која раскажува за еден ученик од работилницата на Да Винчи кој го криптирал самиот Кодекс. 

Во приказната Кодексот служи како стапица поставена од Да Винчи за да провери дали во работилницата има шпиони, сè со цел да ја заштити неговата работа.“

Доколку и вие сакате да имате еден ваков примерок, регистрирајте се на листата за чекање на „Kickstarter“, бидејќи очигледно голем број луѓе се заинтересирани за оваа книга.

• 
• 
• 
• 
• 
• 
•  

М. С. | Црнобело