3 книги кои потврдуваат дека жената е најтврдото оревче

Да се биде жена и мајка е најубавата и најтешката задача истовремено. Предизвиците и борбата со која се соочува една жена никогаш нема да ги сфати мажот колку и да се обидува.

3-knigi-koi-potvrduvaat-deka-zenata-e-najtvrdoto-orevce-01.jpg

Можеби затоа овие три книги ќе им „легнат“ особено добро на женскиот пол.

Тие се доказ и книжевни сведоштва дека и покрај сé, сите препреки и маки, жената е најсилното и најтврдото оревче:

Ана, Хана и Јохана - Маријане Фредриксон  

Прекрасна емотивна книга која опишува три генерации жени со различни, а сепак слични судбини. Силата на жената ја имате повторно на дланка испишана на хартија.

Улогата на жената прикажана низ временски период подолг од еден век. 3 жени кои припаѓаат на едно исто семејство. Ана, Хана и Јохана.

Ќе се смеете, ќе се радувате и ќе заплечете заедно со нив. Ќе ги осудите и ќе им се восхитувате. Вистински рингишпил од емоции.

3-knigi-koi-potvrduvaat-deka-zenata-e-najtvrdoto-orevce-02.jpg

За тебе моја Долорес - Саша Божовиќ

Оваа книга е достапна на македонски јазик, но поради изданијата кои датираат многу одамна може да ја најдете во библиотеките. Сепак, не смеете да ја пропуштите.

Вистинска приказна, сведоштво на една мајка и нејзината најголема лична трагедија -  да се изгуби детето, малото бебенце во една сурова војна.

„За тебе моја Долорес“ е прогласена за најчитана книга во 1980 година во поранешната Југословенска Република.

3-knigi-koi-potvrduvaat-deka-zenata-e-najtvrdoto-orevce-03.jpg

Невеста во Борџии – Џин Калогридис

Скандалозното владеење на папата Александар VI, познат како Родриго Борџија. Татко на 4 нелегитимни деца кои ги користи како играчки кога станува збор за решавање на деликатни политичко-верски прашања.

Наратор на приказната е принцезата Санча од Арагон, невеста на најмладиот 13-годишен син Џофри на папата.

Санча е плен во пајакова мрежа, исплетена од заговори, еротски игри и смртни опасности. Магнетски привлечена кон кардиналот Чезаре кој не ѝ припаѓа, развлечена помеѓу забранетата љубов и страста од една и правдата и честа од друга страна.

Вистинско разоткривање на валканите тајни на Ватикан надополнето со мајсторско раскажување. Скандали, набој од емоции и драма до последната страница.

3-knigi-koi-potvrduvaat-deka-zenata-e-najtvrdoto-orevce-04.jpg

(О)Милена | Црнобело

Би можело да ве интересира:

Книги што идеално ќе се вклопат со амбиентот на плажа (I дел) Време е за одмор, сонце, вода и плажа, а ништо не носи мир во душата како добрат...
Без кои книги не смеете да си заминете од „Саем на книга 2022“? (втор дел) При посетата на овогодишниот Саем на книга, евидентно е дека македонската издава...
Три комплексни романи за читатели со истенчен вкус за книги Марк Твен рекол дека „Човекот кој не чита добри книги не е ништо подобар од чове...

Најчитани неделава

sonovnik-sidebar.jpg