Жешки соло татковци - нови омилени јунаци на жените

Кому му е сè уште потребен Кристијан Греј? Во женските фантазии, возбудливите богаташи ги заменија сексапилните, но сигурни татковци од соседството.

Жените повеќе не сонуваат за дрски богаташи кои ќе ги покорат со својот шарм и одведат на вечера со приватен авион, а потоа остават да тапкаат во темнината, додека повторно не ги побараат за жешки сексуални авантури.

Наместо нив, сега најголем интерес будат нежните и чувствителни фраери, кои веќе имаат едно дете, а се подготвени за љубов и заштитнички се настроени. Најновиот тренд го откриваат податоците на издавачките куќи, кои првенствено публикуваат љубовни и секси романи наменети за женската читателска публика.

Компанијата „Mills&Boon“ прва го воочила големиот пораст на побарувачката за љубовни романи, каде токму секси соло татковците се во главната улога, а фактот дека на жените им е моментално омилен баш таков профил на мажи, го потврдуваат и другите издавачи на книги.

Поради тоа, не чудете се доколку на полиците во книжарницата наскоро здогледате четива со зборот „татко“ во насловите, а проследени се со задолжителни фотографии од привлечни мажи на корицата.

Зад  серијата хит жешки наслови стојат неколку женски авторки, кои го препознале трендот, па во своите романи ја прикажале љубовната приказна која настанува кога една „сосема обична девојка“ ќе запознае симпатичен маж, што во неа ја препознава својата вистинска љубов.

Гласноговорничката на компанијата „Mills&Boon“ открива дека жените го обожуваат овој тип на книги, бидејќи без проблем можат да се соживеат со дејството и препознаат својата симпатија од реалниот живот во главниот јунак. Имено, поголема е веројатноста дека ќе запознае разведен маж или вдовец со дете, отколку гламурозен милионер кој сака баш девојка од соседството.

Покрај тоа, ваквите книги им ја враќаат сексуалната улога на сингл татковците, што е освежувачка новина, бидејќи јавноста воглавно ги доживува како добродушни ликови и материјал за најдобар пријател, ама не и љубовник.

Кое е вашето мислење на оваа тема?

М. А. | Црнобело