Маестрални книги за заплеткани семејни односи кои ќе ве освојат

Семејството се оние луѓе кои не ги бираш туку веќе ти припаѓаат од моментот на раѓање. Но, постојат и луѓе со кои не се крвно поврзани, а ги бираш намерно и свесно па стануваат твоето семејство.

Овие 3 романи ги обработуваат токму тие заплеткани односи, потсетувајќи нè дека блискоста, топлината и љубовта од саканите луѓе се нешта без кои не можеме да живееме.

Оваа топла есен, задолжително одвојте време за:

Берлински тополи – Ане Б. Рагде

Колку пати сте помислиле дека понекогаш ви доаѓа да кренете раце од семејството и да се откажете еднаш засекогаш од нив? Но, пријателите ги бираме самите, а семејството е веќе одбрано место нас.

Тројца браќа кои не може да бидат поразлични се немаат видено долги години, а она што ги поврзува после многу време е смртната постела на нивната мајка.

Топол, емотивен и интензивен роман кој зборува за тоа дека колку и да сакаш да ги избришеш корените, тоа е просто неможно. А понекогаш сосема изненадно, ќе пронајдеш и нови.

Трите ќерки на Ева – Елиф Шафак

Во обид да си ја спаси чантата од еден крадец, на 35-годишната Пери случајно ѝ паѓа фотографија на земјата. Во неа навира бура од спомени кои ја враќаат во студентските денови и нејзините 2 најдобри другарки, Ширин и Мона.

Одеднаш си споменува за нивните конфликти поврзани со религијата, националниот идентитет и феминизмот, деновите поминати во Оксфорд и професорот чии предавања им ги менува животите на младите жени.

Пери е принудена да се соочи со своето минато и скандалот кој засекогаш ги раскинал пријателските врски.

Семејството понекогаш не значи дека мора да си крвно поврзан со членовите.

Неговото семејство – Ернест Пул

Роџер е 60-годишен вдовец кој е вовлечен со семејните препирки и тензии. Од случаен медијатор тој станува на некој начин и спасител во вртлогот на заплетканите семејни односи помеѓу трите ќерки.

Едит, Дебора и Лора се премногу различни и секоја од нив се обидува да ја скицира сопствената иднина. Таткото е лепилото којшто го држи семејството заедно, и покрај неверствата, разводот, убиството и венчавката.

(О)Милена | Црнобело