Возбудливи крими-трилери чии страници се вртат самите


Возбудливи крими-трилери чии страници се вртат самите

За сите љубители на драматичните, напнати трилери испреплетени со добра крими-приказна, ви предлагаме 3 нови книги чии страници како да се вртат самите.

Krimi-trileri-cii-stranici-se-vrtat-sami-01.jpg

Ќе заборавите на сè околу вас и нема да забележите кога поминало времето додека сте читале.

А времето потрошено во читање никогаш не е залудно потрошено време.

Што да читате на почетокот на летната сезона?

Жената на прозорецот - Фин А. Џ.

Ана живее самотен живот. Поради нејзината состојба таа не може да излегува од сопствениот дом, а најголем дел од времето е на седативи и под дејство на алкохол.

Кога отспротива ќе се досели навидум совршеното тричлено семејство, Ана ги шпионира и нив од прозорецот како и останатите соседи, поради досадата и самотијата со која се соочува секојдневно. Но, една вечер ќе здогледа нешто што не треба да го види.

Што е реалност, а што илузија? Дали некој е во опасност?

Krimi-trileri-cii-stranici-se-vrtat-sami-01 (1).jpg

Гробна тишина - Арналдур Индридасон

Ова е вториот роман на исландската писателка, повторно со детективот Ерлендур како главен лик.

Се мешаат неколку различни жанрови кои го прават секојдневието во Исланд уште помрачно и потензично.

На ненаселените ридови во периферниот дел на Рејкјавик е пронајден човечки скелет.

Која е жртвата? Кој е мотивот, а кој – злосторникот? Детективот тргнува во потрага по вистината, одмотувајќи го клопчето на мистеријата во која се испреплетени неколку различни конци истовремено.

Krimi-trileri-cii-stranici-se-vrtat-sami-01 (2).jpg

Жртвата Поликсена - Марта Гузовска

Група археолози откриваат женски скелет посипан со златни ливчиња. Тој е идентификуван како митската Поликсена, робинката на Ахил.

Додека групата се радува на пронајдокот, се случува свежо злосторство. Една од колешките е убиена со пресечено грло, а нејзиното тело е поставено на архаичен олтар.

Дали некој се обидува да принесе човечка жртва според инструкциите на прастар ритуал?

Krimi-trileri-cii-stranici-se-vrtat-sami-01 (3).jpg

(О)Милена | Црнобело

Би можело да ве интересира:

Нови трилери кои ќе ве држат будни длабоко во ноќта Температурите надвор се совршени за топло чајче и добра книга. А зарем има поинт...
5 книги кои ќе ви прават друштво додека се сончате на плажа Летото е одлично време во рака да земете некоја книга со лесна содржина, наместо...
3 нови книги кои ќе ви предизвикаат солзи од смеа и тага Од кога не сте прочитале нешто добро? За вас имаме три нови предлози за времето ...

Најчитани неделава