Нови наслови за одличен почеток на есента
Спонзорирано од:
Спонзорирано од ОгласиЗаРабота.мк
Референт 23-08-2019


Нови наслови за одличен почеток на есента

Есента некако најмногу прилега со книга во раката. Всушност, не постои лоша сезона за добра книга.

Novi-naslovi-na-odlicen-pocetok-na-esenta-01.jpg

Време е да се разбудиме од летната зачмаеност и да им се вратиме посериозно на читачките активности.

А, овој пат за вас имаме 3 нови предлози кои целосно ќе го окупираат вашето внимание:

Стоте највлијателни жени во историјата - Бранка Бугариска, Александра Симова

Жедни сте за доза мотивација? Овие жени се борци и без оглед на времето во кое живееле, продолжуваат да нè инспирираат на истиот начин.

Трнливиот пат во борбата за признавање и еднаквост сè уште продолжува, а го трасирале Роза Паркс, Ада Лавлејс до Малала Јусуфсај и уште 97 неверојатно силни, инспиративни жени.

Дизајнерки, истражувачки, политички фигури, уметници, професорки… постои ли нешто што жената не може да го направи? Одлична книга за себе, но и за подарок.

Novi-naslovi-na-odlicen-pocetok-na-esenta (1).jpg

Смртоносна терапија - Зигмунт Милошевски

За Милошевски се вели дека е врвен мајстор на полската литература. Возбудлива крими-приказна која започнува во еден манастир во Варшава.

Групната психотерапија користи нов метод на лекување – пациентите преземаат нови улоги кои ги оживуваат. По една таква сеанса Хенрик е брутално убиен со нож во окото.

Кој е злосторникот? Што е мотивот зад убиството? И зошто Тајната полиција за интересира за овој случај?

Novi-naslovi-na-odlicen-pocetok-na-esenta (2).jpg

Желки до бесконечност - Џон Грин

Дејвид е син на милијардер и за него има „потерница“ – награда од 100 илјади долари за оној кој ќе успее да му се приближи.

Аза е 16-годишна девојка која го познава Дејвид уште од детството кога заедно посетувале летен камп.

Заедно со нејзината пријателка Дејзи, желни за истражување, авантура и разоткривање мистерии се впуштаат во потрага по Дејвид.

Аза е преплавена од многу чувства, оние за Дејвид кои ги чува длабоко во себе, и некаде помеѓу борбата да биде добра ќерка, добра ученичка и добар детектив, нејзините хипохондрични мисли ја обвиваат и полека ја задушуваат.

Novi-naslovi-na-odlicen-pocetok-na-esenta (3).jpg

(О)Милена | Црнобело

Би можело да ве интересира:

3 нови и возбудливи книги кое ќе ве пренесат во друг универзум Не можеш да си купиш среќа, но можеш да купиш многу книги, а на крајот од денот ...
Нови трилери кои ќе ве држат будни длабоко во ноќта Температурите надвор се совршени за топло чајче и добра книга. А зарем има поинт...
3 нови наслови кои вреди да ги понесете на плажа Една од најубавите работи во летниот период е што денот е подолг и имаме повеќе ...