Избор на 3 нови книги кои емотивно ќе ве потресат


Избор на 3 нови книги кои емотивно ќе ве потресат

Време е за нови наслови кои ќе ви предизвикаат бура од емоции која тешко ќе може да ја контролирате. Иако жанровски различни (биографија според вистинита приказна, возбудлив крими-трилер и раскази од македонски автор), сепак во изборот којшто го направивме се наоѓа книга за сечиј вкус.

3-knigi-koi-emotivno-ke-ve-potresat-01.jpg

Доколку немате идеја што да прочитате следно, препорачуваме:

Последната девојка - Надија Мурад

Надија Мурад е родена во Кочо, мало језидско село на северниот дел од Ирак. Живеела опкружена со големо семејство и сонувала за тоа да стане наставничка по историја или да отвори свој салон за убавина. Во 2014 година, Исламската Држава го нападнала селото на Надија. Таа тогаш имала дваесет и една година и тука бил крајот на нејзиниот безгрижен живот.

Милитантите на Исламската Држава ги масакрирале селаните што одбиле да преминат во ислам. Мајката на Надија била една од осумдесетте постари жени што биле егзекутирани, а нејзините браќа меѓу стотината мажи што биле убиени во еден ден.

Заедно со илјадници девојки, Надија е однесена во Мосул за да стане сексуална робинка. Кога конечно успеала да избега, лутала по улиците на Мосул додека не пронашла спас во едно семејство сунитски муслимани, чиј најстар син си го ризикувал животот за да ѝ помогне.

3-knigi-koi-emotivno-ke-ve-potresat (3).jpg

Манипулаторот - Давид Унгер

По сите индикатори, Гиљермо Розенсвајг е олицетворение на успехот. Тој е член на гватемалската елита, има успешна адвокатска кариера, има жена и деца и низа прекрасни љубовници.

Меѓутоа еден ден патиштата му се вкрстуваат со либанската занесна убавица Маријам, во која очајно се заљубува…до таа мера што кога во моментот ја губи неа, тој не гледа друга опција освен да си ја инсценира сопствената смрт.

3-knigi-koi-emotivno-ke-ve-potresat (2).jpg

Кога заминав од Карл Либкнехт – Лидија Димковска

Кога заминав од Карл Либкнехт е најновата книга на една од најнаградуваните македонски писателки Лидија Димковска. Во неа, стожерот е токму името Карл Либкнехт.

Карл е улица, училиште, болница, сиропиталиште… и со него се поврзани стотици различни луѓе кои на еден или друг начин морале да заминат од локацијата именувана по активистот.

Напати смешна, напати тажна, ќе се поистоветите со ликовите или ќе ги препознаете во лицето што постојано го гледате покрај вас. Вистинско мало ремек-дело за љубителите на кусиот расказ.

3-knigi-koi-emotivno-ke-ve-potresat (1).jpg

(О)Милена | Црнобело

Би можело да ве интересира:

3 книги кои потврдуваат дека жената е најтврдото оревче Да се биде жена и мајка е најубавата и најтешката задача истовремено. Предизвици...
5 книги кои ќе ви прават друштво додека се сончате на плажа Летото е одлично време во рака да земете некоја книга со лесна содржина, наместо...
3 нови наслови кои ќе ве освојат од првата страница Летото е сé уште во полн ек, а тоа значи дека денот за читање е подолг, а свежит...

Најчитани неделава

sonovnik-sidebar.jpg