Книги кои ќе ве остават без сон
Спонзорирано од:
Спонзорирано од ОгласиЗаРабота.мк
монтер 18-01-2022


Книги кои ќе ве остават без сон

Навистина ми причинува задоволство кога ќе налетам на некоја книга, која ме освојува уште од првите страници.

knigi koi kje ve ostavat bez spienje 4

Таквите приказни ме привлекуваат како магнет, освен што ме отцепуваат од надворешниот свет, ми даваат цела палета на нови светови и различни емоции кои ги доживувам во себе.

Последните неколку недели имав таква среќа да прочитам неколку книги кои ме оставија без спиење.

Во продолжение следува листа на три книжевни препораки, кои добро ќе ви дојдат на ова топло време, ако сè уште се двоумите што да читате:

„Ништо“ од Јане Телер

Навидум приказна за млади, романот „Ништо“ е многу повеќе од тоа. Сè започнува од моментот кога Пјер Антоан, изјавува дека „не постои ништо што значи нешто“, оти самиот живот е бесмислен сам по себе.

Да го докаже ова и пред останатите, се качува на дрво и со сливи ги гаѓа своите поранешни другари. Децата, исплашени од неговото однесување се препуштаат во потрага по смислата на животот, откажувајќи се од најзначајните работи.

Внесени во една сурова и немилосрдна игра оваа книга ја прави посебна и нè тера да ги поставиме многу прашања за нашето постоење.

knigi koi kje ve ostavat bez spienje 1

„Зимски распуст“ од Хилдур Кнусдотир

Оваа брутално реалистична хорор-приказна ќе ви овозможи филмско уживање додека ја читате.

Мора да признаам дека романот „Зимски распуст“ е страшно возбудлив и одлично напишан, а оние кои обожаваат постапокалиптична тематика ќе ја голтнат приказната за неколку часа.

Ако ја сакате серијата The Walking Dead, и ова приказна ќе ви прилегне на срце. Наместо зомби, тука ќе се сретнете со вонземска канибалистичка цивилизација и луѓе кои пробуваат да преживеат во тој крвав неред.

knigi koi kje ve ostavat bez spienje 2

„Серотонин“ од Мишел Уелбек

И листата не може да помине без некој современ мајстор на модерната книжевност. Приказната на „Серотонин“ нè води низ една Франција што ги гази своите традиции, ги банализира градовите, ги уништува своите села…

Ова е роман за суровоста на модерниот свет во кој речиси и да нема добрина, ниту пак солидарност. Каде што мутациите веќе не може никој да ги контролира.

Ова е роман за каење и жалење, а секоја човечка единка има простор да се пронајде во страниците за кои раскажува Уелбек.

knigi koi kje ve ostavat bez spienje 3

Е. Х. | Црнобело

Би можело да ве интересира:

6 книги кои ја дефинираа деценијата и имаа најголемо влијание врз читателите достапни на македонски ... Во изминатите 10 години издаваштвото цветаше на светско ниво. И покрај модерните...
Нема да ги испуштите од рака: 3 книги за ментален одмор Некои книги се како мед на разболено грло, тие ви ја греат душата и срцето и дол...
5 книги кои ќе ви прават друштво додека се сончате на плажа Летото е одлично време во рака да земете некоја книга со лесна содржина, наместо...

Најчитани неделава

sonovnik-sidebar.jpg