Спонзорирано од:
Спонзорирано од ОгласиЗаРабота.мк
Возач 08-08-2022
Технолог 08-08-2022
Шивач/ки 08-08-2022


Неверојатни книги кои имаат моќ да ве пренесат во сосема друг свет на жените

Понекогаш забораваме дека животот којшто го живееме тука е многу поразличен отколку во другите делови од светот. Различни ни се навиките, традициите, воспитувањето, начинот на однесување, верувањата.

Knigi-koi-ke-ve-prenesat-vo-poinakov-svet-na-zenite-01.jpg

Сепак, неколку емоции целосно нè обединуваат, без разлика на староста, бојата на кожата, припадноста, местото на живеење.

Стравот, гордоста, потребата од љубов… и сите овие ќе ги препознаете во следните 3 неверојатни книги кои ќе ве транспортираат во сосема поинаков, женски свет:

Ќерката на степата – Волфганг Јетке

Младата Мања живее со мајка си во едно земјоделско село и сонува да се омажи за Вилуфар, момчето од соседството. Меѓутоа, по нападот на Скитите, номадските воени коњаници и ловци на скалпови, немилосрдни владетели на степската дивина, Мања ќе премине кај Сарматите.

Тие се народ каде што жените управуваат со судбината на племето. Во своето племе ќе се врати подоцна како воинка во придружба на волчицата и треба да се одлучи меѓу љубовта од младоста и новиот живот.

Knigi-koi-ke-ve-prenesat-vo-poinakov-svet-na-zenite (1).jpg

Принцезата Султана – Џин Сасон

Принцеза која е опсипана со скапоцени дијаманти и бисери и живее во најголемиот луксуз што може да го замислите. Но, во реалноста, таа живее во златен кафез. Без слобода, без право на глас, без контрола на сопствениот живот… од неа не се очекува ништо друго, освен да раѓа синови.

Принцезата Султана е член на кралското семејство на Саудиска Арабија, во блиско сродство со кралот. Скриена под превезот, таа ни го раскажува своето детство до точката на договорен брак. Неверојатна приказна за тоа колку чини слободата.

Knigi-koi-ke-ve-prenesat-vo-poinakov-svet-na-zenite (3).jpg

Невеста во Борџии – Џин Калогридис

Богат и моќен историски роман за едно од најпознатите семејства во историјата на Италија – Борџиите. Санча од Арагон е млада, прекрасна девојка. Нејзиниот татко решава да ја омажи за најмладиот од легитимните синови на Папата, Џофри.

Санча се вплеткува во мрачна игра на страст, омраза, предавство и насилство. Таа станува предмет на интерес на постариот брат, Чезаре Борџија, но она што треба да наликува на љубов се претвора во опасна игра на опсесија и смрт.

Knigi-koi-ke-ve-prenesat-vo-poinakov-svet-na-zenite (2).jpg

(О)Милена | Црнобело

Би можело да ве интересира:

„Мило мое дете“ и уште 2 нови книги со кои ќе го заокружите овој декември Можеби сте премногу зафатени со украсување, претпразнични подготовки или пак куп...
Три магични романи кои нема да ги оставите додека не ја затворите последната страница „Дали еден човек чита или не чита – тоа веднаш се забележува. Меѓу луѓето не пос...
Три нови, возбудливи книги кои ќе ви го одвлечат вниманието од секојдневните проблеми „Дали еден човек чита или не – тоа веднаш се забележува. Помеѓу луѓето нема пого...

Најчитани неделава

sonovnik-sidebar.jpg