Што да читате за време на празниците - 5 предлози од Бил Гејтс

Како и секогаш, пред крајот на годината, Бил Гејтс повторно го создаде својот список на интересни книги што ги прочитал во претходните дванаесет месеци. 

Тој препорачува да ги подариме овие книги на нашите најблиски за Нова година, но и самите да ги прочитаме за време на зимските празници.

Следните 5 книги имале најголемо влијание врз основачот на Microsoft во 2019 година. Еве што ви препорачува Бил Гејтс:

Американски брак - Тајари Џоунс

„Ќерка ми мѝ го препорача овој роман за една афроамериканска двојка на американскиот југ, чиј брак е разнишан по ужасниот инцидент. Џоунс е толку добра писателка што успева да нè натера да сочувствуваме со двата главни лика, дури и кога еден од нив донесува многу тешка одлука“.

Овие вистини - Џил Лепор

„Џил Лапор успеа да го направи навидум невозможното: да напише книга за целата историја на САД во само 800 страници. Таа намерно ги потенцираше различните гледишта за одредени централни прашања и со тоа ја направи досега најискрената историја на земјата“.

Раст - Вацлав Смил

„Кога слушнав дека еден од моите омилени автори работи на книга за прогрес, не можев да дочекам да ја купам. Не бев разочаран. Како и со неговите претходни книги, не се согласувам со сè што напишал, но сепак сметам дека тој е еден од најмудрите мислители на денешницата“.

Подготвени - Дајан Тавенер

„Како што знае секој родител, подготвувањето на децата за живот после средно училиште е долга и тешка задача. Тавенер, која е поврзана со некои од најдобрите училишта во земјата, создаде водич за да ви помогне да го направите процесот што е можно поедноставен и плоден“.

Зошто спиеме? - Метју Вокер

„Во 2019 година прочитав неколку одлични книги за човековото однесување, но оваа беше далеку најинтересна. Секој знае дека добар сон е многу важен, но што значи ова во пракса и како да се одморите доволно?

Метју Вокер ме убеди да ги сменам навиките на спиење. Исто така, препорачувам да ги слушате неговите совети и да ја прочитате оваа книга“.

Ашера | Црнобело