За повеќе мотивација и самодоверба - Менсон, Шин, Хил, Робинс...

 Првиот и последниот месец од година секогаш поседува посебна тежина. Таму се крие некоја одлучност што нè мотивира да се подобриме себеси, да одвоиме време на суштинските работи во животот и да влеземе од една во друга календарска година со нови видици и пред сè предизвици.

Преживеаното искуство многу зборува за секој човек поединечно, но пред да се препуштиме на нови остварувања, одвојте време и прочитајте туѓи приказни и мотивирачки параграфи.

Наведените принципи делуваат кај секого различно, но сигурно од стотина страници може да се препознае нешто што ќе ја разгори искрата во вас.

Во зависност од период, многу наслови во светот стануваат глобален тренд.

Веројатно има и зошто е тоа така и зошто „Е, баш ме заболе“ од Марк Менсон е продадена над 3 милиони примероци.

Претходно сите ни зборуваа дека треба цело време позитивно да размислуваме, што според Менсон е тотална будалаштина.

Неговите книги се освежување, токму поради тоа што не тера да ги запознаеме сопствените ограничувања и да ги прифатиме.

Да се вратиме сега на еден многу стар наслов, кој за прв пат се појавил во 1925 година.

Станува збор за книгата „Играта на животот и како да ја играш“ од Флоренс Сковел Шин. Авторот до сега има инспирирано илјадници луѓе, ако и ти бараш некаков вид на мотивација, предади се на страниците на ова четиво.

Тој зборува дека љубовта и добрата волја ги отстрануваат сите препреки на нашиот пат, па можеби ова е стартната позиција од каде што треба да тргнеш.

Од авторот на „Мисли и збогати се“, постојат и други наслови, кои се исто така добри и функционални.

Една од нив е книгата „Навики за успех“ од Наполеон Хил, кој се навраќа на веќе докажани принципи за стекнување на животни добра: здравје, среќа и пари.

Секако, за да се извлече нешто од сите совети треба да се повлечат старите убедувања и да завладеат новите. Прочитајте ги начелата и верувањата кои менуваат живот.

Редно време е да се разбудиме и да ја преземеме контролата врз својот живот. Така? Е па книгата „Разбудете го џинот во себе“ од Тони Робинс веќе три децении се смета меѓу најзначајните книги за самопомош и мотивација.

Оние што веќе се промениле, служат како вистински пример дека не треба под никоја цена да се препуштаме на безличното секојдневие. И само ние самите може да создадеме ни помалку, ни повеќе туку неверојатен живот за кој сонуваме.

Автор: Х. Е. | Црнобело