3 одлични книги чиј наслов започнува со „Девојката…“

Модерната технологија можеби има многу предности, но со сигурност нè затапува и нè прави сè помалку креативни.

3-odlicni-knigi-son-naslov-devojkata-01.jpg

Со книгите е поинаку. Тие ни даваат можност да избегаме од секојдневието, грижите и обврските и привремено да заборавите на сè што се случува околу нас. Навлегувајќи во нов свет, го одмораме мозокот, а телото е опуштено, во релаксирачка состојба.

Овојпат за вас имаме 3 одлични предлози, а интересно е што сите почнуваат со зборот: Девојката…

Девојката од писмото – Емили Гунис

1956 година: Кога Ајви Џенкинс останува бремена, нејзиното посрамотено семејство ја испраќа во католичкиот манастир Света Маргарита – мрачна, страшна куќа за немажени мајки.

Потоа го даваат нејзиното бебе на посвојување против нејзина волја. Иако Ајви треба да излезе оттаму за две до три години, таа никогаш нема да го напушти местото.

Сегашност: Саманта Харпер е новинарка очајна за малку одмор. Кога случајно налетува на писмо од минатото, истото ја шокира и трогнува. Писмото е од млада мајка која моли да ја спасат од Света Маргарита. Пред да биде предоцна.

3-odlicni-knigi-son-naslov-devojkata (1).jpg

Девојката со портокали – Јустејн Гордер

Георг Ред никогаш не го запознал својот татко, дури и многу малку се сеќава на него затоа што тој починал кога Георг имал само четири години.

Сега, момчето има 15 години и неговиот живот целосно се менува кога дознава дека црвената детска количка во која го шетал неговиот татко кога бил бебе, не е само количка туку и поштенско сандаче.

Во неа Георг наоѓа писмо од неговиот татко кое го пишувал за него додека бил болен и сега, после толку години писмото конечно завршува во неговите раце.

А во него, мудриот татко на Георг пишува за сè, почнувајќи од прекрасните моменти кои ги поминале заедно додека бил жив, па сè до телескопот Хабл, и секако, девојката со портокали.

3-odlicni-knigi-son-naslov-devojkata (2).jpg

Девојката без минато - Катрин Крофт

Леа Милс живее живот на бегалец - криејќи се од сенките на своето минато. Без пријатели и без момче, таа копнее по друштво и го запознава Џулијан. За првпат, по долго време почнува да верува дека е возможно да има нормален живот.

Но, тогаш од дваесетгодишнината од денот што го промени текот на нејзиниот живот, добива писмо. Некој ја знае вистината за тоа што се случи тој ден.

Некој што нема да запре сè додека не го уништи и тоа што остана од животот на Леа. Но, дали Леа е жртвата во оваа приказна?

3-odlicni-knigi-son-naslov-devojkata (3).jpg

(О)Милена | Црнобело

Би можело да ве интересира:

По „Дете 44“, нов возбудлив роман на Том Роб Смит и уште 2 совршено добри трилери Том Роб Смит, авторот на Дете 44, ни се враќа со напнат, неизвесен нов трилер. С...
Три магични романи кои нема да ги оставите додека не ја затворите последната страница „Дали еден човек чита или не чита – тоа веднаш се забележува. Меѓу луѓето не пос...
„Мило мое дете“ и уште 2 нови книги со кои ќе го заокружите овој декември Можеби сте премногу зафатени со украсување, претпразнични подготовки или пак куп...

Најчитани неделава

sonovnik-sidebar.jpg