Пролетно размрдување на умот со 3 нови наслови – што ќе прочитате прво?

„Човек станува мудар не со сила, туку со читање“. Доколку сакате да бидете помудри, поуспешни и потребно ви е пролетно размрдување на умот кој стагнира, време е (буквално) да свртите нова страница.

Proletno-razmrduvanje-na-umot-so-3-novi-naslovi-01.jpg

А ние ги имаме вистинските три предлози за вас, три нови наслови кои ќе ви го разбистрат умот:

Некој што вреди да умре – Питер Свансон

На еден вечерен лет од Лондон до Бостон, Тед Северсон ја запознава мистериозната и привлечна Лили Кинтнер. По неколку пијалаци, тие почнуваат да играат игра на кажување вистини, откривајќи интимни детали за себе.

Тед зборува за неговиот брак и неговата сопруга Миранда, бидејќи е сигурен дека таа го изневерува. Но нивната игра наскоро станува мрачна кога Тед на шега нафрла дека би можел да ја убие Миранда за тоа што му го направила. Лили пак, без размислување му вели, „Би сакала да ти помогнам“…

Proletno-razmrduvanje-na-umot-so-3-novi-naslovi (2).jpg

Списокот со гости – Луси Фоли

На остров крај брегот на Ирска, се собираат гости за да го прослават станувањето во брак на двајца луѓе. Младоженецот: згоден и шармантен, телевизиска ѕвезда во подем. Невестата: паметна и амбициозна, издавач на списание.

Но, совршената свадба започнува со низа непријатности и љубомора. Другарите на младоженецот ја почнуваат играта со пиење од нивните училишни денови. Деверицата не толку случајно го уништува својот фустан. Најстариот пријател на невестата прави необична здравица.

И тогаш излегува дека некој е мртов. Кој не им посакува добро на младоженците? И, можеби уште поважно, зошто?

Proletno-razmrduvanje-na-umot-so-3-novi-naslovi (1).jpg

Свила, ножици – Ирена Вркљан

Романот „Свила, ножици“ е автобиографски роман во кој авторката раскажува за своето детство во Белград, за преселбата на семејството во Загреб во 1941 година по избувнувањето на војната, за растењето, школувањето и созревањето во тој град, за пропаднатиот брак и за животната рутина што ја прекинува со заминувањето во Западен Берлин.

Од специфична женска позиција, авторката го преиспитува својот однос спрема мајка си и татко си, односно спрема женскиот и машкиот свет, и потребата, како жена воспитана во традиционални патријархални рамки, да се избори за своето место што нема да биде само повторување на научените и наследени обрасци.

Proletno-razmrduvanje-na-umot-so-3-novi-naslovi (3).jpg

(О)Милена | Црнобело

Би можело да ве интересира:

3 романи кои се толку добри што ќе им ги препорачате на сите свои пријатели со добар вкус Премногу книги, премалку време, многу квантитет, малку квалитет… или не е така? ...
„Само Бог простува“ и уште 2 неверојатни крими романи кои ќе ви го поматат умот Доколку мислите дека не постојат македонски автори кои пишувата крими-романи, то...
За сериозни читатели со истенчен вкус – 3 книги кои ќе ве задлабочат во размислувањето Некои книги носат поголема тежина од другите, па остануваат подолготрајно во мем...

Најчитани неделава

sonovnik-sidebar.jpg