Зашеметувачко морничави трилери кои ќе ве остават со подотворена уста
Спонзорирано од:
Спонзорирано од ОгласиЗаРабота.мк
монтер 18-01-2022


Зашеметувачко морничави трилери кои ќе ве остават со подотворена уста

Сите читатели кои се во потрага по доза адреналин, уживаат во правење сопствени сценарија и претпоставки за развојот на дејствието и крајот на книгите ќе уживаат во овие три загадочни и возбудливи трилери.

Zashemetuvacko-mornichavi-trileri-01.jpg

Замислете некој да ви го киднапира детето за време на забавата која ја организирате во вашиот дом… една мајка која го убива 4-годишното синче без никакво објаснување… или во текот на најобично планинарење на откриете коски од човечка рака… морничаво, нели?

Некој близок – Кара Хантер

Кога осумгодишната Дејзи Мејсон исчезнува од својот семеен дом во Оксфорд за време на забава со маски, инспекторот Адам Фоли знае дека во девет од десет случаи, киднаперот е некој близок на семејството.

А семејството на Дејзи дефинитивно е чудно – мајка ѝ е опседната со впечатокот што го оставаат пред другите, а татко ѝ е ладен и одбранбено настроен за време на испрашувањето. А тука е и помалото братче на Дејзи, толку повлечен и некомуникативен…

Zashemetuvacko-mornichavi-trileri (1).jpg

Реконструкција – Викторие Ханишова

Мајка го убива својот 4-годишен син и се самоубива, без да остави проштално писмо ниту какво било објаснување на трагичниот настан. По смртта на братчето и мајката, Елишка расне со 10-годишна празнина наместо детство. Нејзиниот живот се распаѓа на два дела: едниот го живее деветгодишното девојче во нормалното четиричлено семејство, а другиот го живее студентката Елишка, која одлучува да го расветли кобниот настан.

Зошто мајка ѝ го направила тоа? Зошто ја поштедила Елишка? Зарем мајката може да го убие сопственото дете? Какви причини треба да постојат за тоа? Тоа се само дел од прашањата што читателот се обидува да ги одговори заедно со Елишка во текот на овој несекојдневен и зашеметувачки роман.

Zashemetuvacko-mornichavi-trileri (2).jpg

Гробот на планината – Михаел Јорт и Ханс Розенфелт

Уште едно прекрасно дело од серијалот за криминалистичкиот профајлер Себастијан Бергман. Ова е приказна за две жени кои планинарејќи ќе се загубат откривајќи коски од човечка рака. Локалната полиција пристигнува на местото на злосторството, но не наоѓа едно туку шест тела.

Помеѓу скелетите се и две деца, сите убиени со истрели во главата. Не постои сведок, нема траги и никој не пријавил исчезнување. Истрагата ја презема Торкел Хеглунд, а повикан е и криминалистичкиот психолог Себастијан Бергман. Идентитетот на жртвите е енигма, а кога успеваат да пронајдат трага, некој на висока положба по секоја цена сака да ги прикрие овие смртни случаи…

Zashemetuvacko-mornichavi-trileri (3).jpg

(О)Милена | Црнобело

Би можело да ве интересира:

3 книги кои потврдуваат дека жената е најтврдото оревче Да се биде жена и мајка е најубавата и најтешката задача истовремено. Предизвици...
Нема да ги испуштите од рака: 3 книги за ментален одмор Некои книги се како мед на разболено грло, тие ви ја греат душата и срцето и дол...
Маестрални книги за заплеткани семејни односи кои ќе ве освојат Семејството се оние луѓе кои не ги бираш туку веќе ти припаѓаат од моментот на р...

Најчитани неделава

sonovnik-sidebar.jpg