Одвај ќе направите пауза за одмор – три возбудливи психолошки романи


Одвај ќе направите пауза за одмор – три возбудливи психолошки романи

Неизвесни, возбудливи, психолошки трилери за мрачната страна на животот. Три совршени романи кои ќе посакате да ги имате во вашата библиотека и помеѓу своите раце.

Tri-vozbudlivi-psiholoski-romani-01.jpg

Исполнети со возбуда и неизвесност, одвај ќе направите пауза додека ги читате:

Тој почна сè – Саманта Даунинг

Бет, Порша и Еди Морган не биле заедно со години. Но, кога нивниот богат дедо ќе почине и ќе остави порака непосредно пред тоа, сестрите, братот и нивните партнери мораат да одат на заедничко патување низ целата држава за да ја исполнат неговата последна желба, и уште поважно – да си го обезбедат својот дел од наследството.

Но, времето поминато со фамилијата може да биде тешко. Уште потешко е кога сите чуваат тајни и се обидуваат да заборават едно сеќавање – исчезната личност, чин на одмазда, човек со црн камионет кој не престанува да го следи вашиот автомобил – особено кога најмалку еден од вас е убиец и има тело во багажникот.

Tri-vozbudlivi-psiholoski-romani (3).jpg

Трагачот – Тана Френч

По 25 години работа како полицаец во Чикаго, Кал го напушта градот верувајќи дека мирниот селски живот ќе му помогне да се соземе од напорната и трагичната реалност.

Сака да почне од почеток во некое мирно, мало место со добар паб, каде што ништо особено нема да се случува. Но, наскоро ќе открие дека дури и малите места кријат мрачни тајни.

Во селото исчезнува едно мало момче, но никој не е особено загрижен поради тоа, дури ни полицијата. Тогаш во Кал повторно се буди полицаецот и тој започнува своја истрага. Убеден дека нешто не е во ред, не може да остане мирен додека не открие што е тоа.

Tri-vozbudlivi-psiholoski-romani (2).jpg

Една мала грешка – Ема Куртис

Вики Сигрејв е благословена: три убави деца, успешен и доминантен сопруг, одлични пријатели и работа што ја сака. Кога таа носи одлука во дел од секундата, со која ризикува сè што ѝ е скапоцено, постои само една личност на која таа ѝ верува доволно за да ѝ се довери.

Но, Вики ќе сфати дека е доволна само една грешка за да изгуби сè. Ако сте невнимателни со оние што ги сакате, не заслужувате ниту да ги имате…

Tri-vozbudlivi-psiholoski-romani (1).jpg

(О)Милена | Црнобело

Би можело да ве интересира:

Топ 5 книги за опуштање на плажа Ако сте од оние кои на одмор сакаат да си дадат оддишка од сета сериозност и раб...
75 години од смртта на Кочо Рацин, поетска гордост преточена низ најубавите љубовни стихови Најголемиот македонски интелектуалец од неговото време. Неговата непресушна...
3 одлични книги чиј наслов започнува со „Девојката…“ Модерната технологија можеби има многу предности, но со сигурност нè затапува и ...

Најчитани неделава

sonovnik-sidebar.jpg