Професиите на писателите пред да станат славни – Џејмс Џојс имал кино, а Агата Кристи работела како медицинска сестра


Професиите на писателите пред да станат славни – Џејмс Џојс имал кино, а Агата Кристи работела како медицинска сестра

Со цел да се издржуваат финансиски себеси, но и своите семејства, познатите автори пред да станат славни морале да работат со полно работно време. 

Profesiite-na-pisatelite-pred-da-stanat-slavni-01.jpg

Секој славен писател ќе признае дека пред да доживее книжевен успех имал некоја сосема друга професија.

Впрочем, кои биле нивните професии пред славата?

Творецот на Шерлок Холмс, Артур Конан Дојл, по занимање бил лекар кој за време на Бурската војна во Јужна Африка работел како хирург. Тој поминал и 7 месеци на брод во текот на една арктичка експедиција.

profesiite-na-pisatelite-pred-da-stanat-slavni-dzejms-dzojz-imal-kino-a-agata-kristi-rabotela-kako-medicinska-sestra-02.jpg

Авторот на „Ловец на змејови“, Калед Хосеини, по професија е исто така лекар кој никогаш не мислел дека ќе стане писател.

profesiite-na-pisatelite-pred-da-stanat-slavni-dzejms-dzojz-imal-kino-a-agata-kristi-rabotela-kako-medicinska-sestra-03.jpg

Агата Кристи во текот на Првата светска војна 4 години негувала ранети војници во Девон, а потоа работела како помошничка во аптека. Своето знаење во врска со фармацевтските производи подоцна го искористила во своите детективски романи.

profesiite-na-pisatelite-pred-da-stanat-slavni-dzejms-dzojz-imal-kino-a-agata-kristi-rabotela-kako-medicinska-sestra-04.jpg

Чарлс Дикенс, креаторот на „Оливер Твист“ како 12-годишно момче работел во фабрика за обувки по 10 часа дневно. Во текот на животот работел и како фриленс новинар и правен референт во една лондонска адвокатска канцеларија.

profesiite-na-pisatelite-pred-da-stanat-slavni-dzejms-dzojz-imal-kino-a-agata-kristi-rabotela-kako-medicinska-sestra-05.jpg

Фјодор Михајлович Достоевски по желба на своите родители се запишал на воено-инженерскиот институт во Санкт Петерсбург, иако имал сосема други интереси и го мразел отслужувањето на воениот рок. Сепак, дипломирал и се вработил како инженер. Во слободното време се занимавал со преводи од француски јазик, а дури подоцна почнал да се занимава со пишување.

profesiite-na-pisatelite-pred-da-stanat-slavni-dzejms-dzojz-imal-kino-a-agata-kristi-rabotela-kako-medicinska-sestra-06.jpg

Џон Голсворди, авторот на „Сагата за Форсајтови“ завршил правен факултет на Оксфорд, но ја напуштил правничката професија, со цел да му се придружи на семејниот бизнис поврзан со бродски превоз. Во наредните неколку години патувал низ светот каде што го запознал бродскиот офицер Џозеф Конрад кој исто така станал писател.

profesiite-na-pisatelite-pred-da-stanat-slavni-dzejms-dzojz-imal-kino-a-agata-kristi-rabotela-kako-medicinska-sestra-07.jpg

Ирскиот писател Џејмс Џојс ги напуштил студиите по медицина, работел како пејач, пијанист и предавал англиски јазик во Хрватска и Италија. Во декември, 1909 година се вратил во Ирска и го отворил првото кино во Даблин, но бизнисот му пропаднал за една година.

profesiite-na-pisatelite-pred-da-stanat-slavni-dzejms-dzojz-imal-kino-a-agata-kristi-rabotela-kako-medicinska-sestra-08.jpg

Франц Кафка докторирал на Универзитетот Чарлс-Фердинанд во Прага, па неговата „Процес“ не доаѓа како особено изненадување. Неколку години работел во осигурителна компанија, а потоа бил коосновач на фабрика за азбест.

profesiite-na-pisatelite-pred-da-stanat-slavni-dzejms-dzojz-imal-kino-a-agata-kristi-rabotela-kako-medicinska-sestra-09.jpg

(О)Милена | Црнобело

Би можело да ве интересира:

Топ 5 книги за опуштање на плажа Ако сте од оние кои на одмор сакаат да си дадат оддишка од сета сериозност и раб...
75 години од смртта на Кочо Рацин, поетска гордост преточена низ најубавите љубовни стихови Најголемиот македонски интелектуалец од неговото време. Неговата непресушна...
3 одлични книги чиј наслов започнува со „Девојката…“ Модерната технологија можеби има многу предности, но со сигурност нè затапува и ...

Најчитани неделава

sonovnik-sidebar.jpg