3 нежни и истовремено моќни книги кои ќе ви ја вратат волјата за живот


3 нежни и истовремено моќни книги кои ќе ви ја вратат волјата за живот

Сите некогаш сме биле на дното, а во таквите моменти ни доаѓа само да ги кренеме рацете и да се откажеме од сè. Но, животот е подарок. И за него вреди секоја битка, пораз, секоја победа и награда.

3-mokjni-knigi-koi-ke-vi-ja-vratat-voljata-za-zivot-01.jpg

Низ овие моќни, а истовремено толку нежни книги, проткаени со мудрост, емпатија и емоции, повторно ќе ја откриете смислата на животот и ќе му се заблагодарите на универзумот што ве наградил со токму каков што е вашиот:

Подарокот – 12 лекции кои ќе ви го спасат животот – Едит Егер

Илјадници луѓе од целиот свет ѝ пишувале на Егер за да ѝ кажат колку нејзината прва книга „Изборот“ ги трогнала и ги инспирирала да се соочат со сопственото минато со цел да се обидат да најдат лек за својата болка, истовремено молејќи ја да напише уште една книга со повеќе практични и детални совети како нејзе ѝ успеало во тоа.

Во „Подарокот“, Егер се осврнува на исцелувањето и ни дава многу корисен прирачник кој нежно нè охрабрува да ги промениме своите мисли и однесувањето кое нè прави затвореници на минатото.

Егер објаснува дека најлошиот затвор за неа не бил затворот во кој ја сместиле нацистите, туку оној што таа самата го создала за себе – затворот на нејзиниот ум.

3-mokjni-knigi-koi-ke-vi-ja-vratat-voljata-za-zivot (1).jpg

Како помалку да се мисли – Кристел Петитколен

Блиските ти велат дека поставуваш премногу прашања. Во твојата глава секогаш нешто се виори – понекогаш сонуваш за да притиснеш на тастатурата и да го исклучиш умот.

Имаш впечаток дека си од друга планета. Не успеваш да го пронајдеш своето место. Се чувствуваш несфатено.

Дали некоја од овие реченици те опишува токму тебе? Ако е така, сигурно ќе се препознаеш во профилот на исклучително размислувачка личност.

Да се биде исклучително размислувачки е навистина заморно, ама твојот мозок – е токму тој што премногу размислува – тој е вистински скапоцен камен.

3-mokjni-knigi-koi-ke-vi-ja-vratat-voljata-za-zivot (2).jpg

Секое утро патот до дома е сè подолг и подолг – Фредерик Бакман

Приказна за спомените, за менливоста на животот и за разделбите. Љубовно писмо и бавно збогување на еден човек со неговиот внук, на еден татко со неговиот син. Дедото и Ноа седат на клупа до која цветаат зумбули.

И покрај големата разлика во возраста, тие можат да разговараат буквално за сè. За животот, за математиката, за училиштето, за мечките, за најважните и најневажните работи на светот.

Дедото се обидува да се сети како се вљубил во бабата на Ноа и како ја изгубил. Сè уште ја памети, но што ќе се случи кога веќе нема да се сеќава ниту на нејзиниот лик?

3-mokjni-knigi-koi-ke-vi-ja-vratat-voljata-za-zivot (1).png

(О)Милена | Црнобело

Би можело да ве интересира:

5 книги кои ќе ви прават друштво додека се сончате на плажа Летото е одлично време во рака да земете некоја книга со лесна содржина, наместо...
3 книги кои потврдуваат дека жената е најтврдото оревче Да се биде жена и мајка е најубавата и најтешката задача истовремено. Предизвици...
Книги кои ќе ви ја променат перцепцијата за животот Понекогаш се наоѓаме во ситуација каде се запрашуваме на кој начин го живееме жи...

Најчитани неделава

sonovnik-sidebar.jpg