3 предлог книги кои ќе ве инспирираат на длабоко размислување

Ново издание на македонски јазик за омилениот остроумен детектив Шерлок Холмс. „Знакот На Четворицата“ целосно ќе ве обземе со дејствието, активирајќи ги вашите мозочни вијуги.

Останатите две, иако жанровски многу различни, се исто така одлични книги кои ќе ве натераат на длабоко размислување и анализа:

Знакот На Четворицата – Артур Конан Дојл

Мирот на улицата Бејкер е нарушен, а пред детективот Шерлок Холмс и доктор Вотсон е нова авантура откако ги посетува г-ѓа Мери Морстен и им ги раскажува бизарните настани кои ѝ се случуваат секоја година на ист ден, десет години по убиството на нејзиниот татко.

Дејствието на романот започнува во Агра, Индија, а се пренесува низ улиците не Лондон и Темза. Шерлок Холмс и Вотсон се во луда потрага по необични убијци. Алчност, интриги, криминал и загатка, сè што им е потребно на брилијантниот Холмс и Вотсон.

Невидлива жена и други раскази – Славенка Дракулиќ

Дали со староста стануваме невидливи, што се случува со нашите тела, со нашиот однос кон другите и – уште поважно, со односот на другите кон нас? Мрежите што ги плетеме цел живот одеднаш стануваат тенки и кревки.

Преку 16 раскази во оваа книга Дракулиќ раскажува за меѓучовечките односи, за релациите меѓу родителите и децата, за заминувањето, исчезнувањето, заборавањето, болеста, срамот и болката, за најдлабоките чувства за кои не се осмелуваме да зборуваме.

Тегли – Јордан Коцевски

Ова е книга за отфрлените, за одметнатите, за гнилежот на системот, за криминалот во сите негови нијанси, сè до најсвирепите ужаси на кои е способен човекот, за корумпираноста на институциите, за жртвите на семејното насилство, за луѓето што ја преземаат правдата во свои раце, за пријателството и за љубовта.

За сè она што треба или не треба да се чува складирано во тегли, и сето тоа раскажано со леснотија и низ многу хумор. „Тегли“ на Коцевски е освежување во домашната книжевна продукција, прво затоа што се работи за редок суб-жанр кај нас ‒ трилер и хорор, а потем и самата интригантна приказна што се развива по принципите слични на стрипот.

(О)Милена | Црнобело