3 жешки секси романси кои ќе ви ги разбудат заспаните сетила и ерогените зони

Пишувањето на добар еротски роман претставува навистина голем предизвик. Но, се чини дека голем дел од авторите немаат проблем со оваа тема, а сè повеќе македонски автори се испробуваат во овој жанр.

Доколку сте расположени за книги кои ќе ви ги заскокоткаат сетилата и ќе ви ги разбудат заспаните ерогени зони, време е за:

Вистинскиот за мене – Кејти Еванс

Тејт Ремингтон – едниот и единствен – е ѕвезда на опасните борби во подземјето. Жените го обожаваат, сонуваат за него и збеснуваат по него. Мажите му завидуваат и сакаат да бидат како него.

Кога Брук случајно завршува на негова борба и тие прекрасни сини очи се вперуваат во неа, таа заборава сè, дури и сопственото име. А неговото величествено, мускулесто тело дополнително придонесува за ова.

Нејзиниот живот се превртува наопаку кога ова совршенство ѝ нуди работа која може да ѝ отвори многу врати во животот. Но поранешниот боксер е непредвидлив и опасен и ја привлекува, онака неодоливо, животински.

Испреплетена со тебе – Силвија Деј

Гидион е бог на сексот, како што Ева милува да го опише. Висок, згоден, секси и многу успешен. Но, и двајцата имаат болно минато, демони од минатото кои ги следат и од кои е тешко да се ослободат.

И двајцата се борат да успеат и покрај препреките кои ги раздвојуваат. Но, нивното проблематично детство, опсесивната љубомора и желбата едниот да го поседува другиот се пречки кои може да се надминат… или пак не?

Фајтер – Иван Наумовски

Крими-љубовен роман за боксот, парите, моќта и валканите игри. За рајскиот остров, убавите жени на џет сетот и нивните луди забави. Роман во кој сите учесници, помалку или повеќе, се хазардери на сопствените чувства и задоволства. Книга за ситните ноќни часови, исполнета со еротски набој.

(О)Милена | Црнобело