„Метро“ нова песна на Young Dadi и најава на албумот „SCORPIUS“

Деновиве излезе нова песна од Young Dadi, насловена „Метро“ која го најавува првото поглавје од албумот „SCORPIUS”, кој треба да излезе на 28 мај.

Со уникатен спој на звук и несекојдневен приказ, артистот Young Dadi повторно им приреди изненадување на своите слушатели.

Благодарение на заразниот drum and bass ритам, синглот ќе ви се врти во глава уште по првото слушање, а на тоа придонесува и необичното музичко видео кое е направено со помош на технологија на вештачка интелигенција и анимација, кадри од реалниот живот и експлозија на бои.

Музиката и текстот се на Young Dadi, а продуцирана е од страна на Dimchuga, Hyper и Andrejnik.

За видеото се погрижија Генц Халими, Берат Ахметај и Фисник Халили, а во видеозаписот е присутна и Елена од Beatrix Dance Studio чии движења се синхронизираат со пулсирачкиот ритам на песната.

За стајлингот се погрижи Александра Трпеска, а за шминка и фризура Бобан Тодоровски.

„Метро“ е достапна на сите музички платформи.