Дамјан Стоименовски со нова песна - „Води ме“ ја освојува публиката

Младиот пејач и автор Дамјан Стоименовски, кој веќе неколку години ја гради својата препознатлива музичка приказна, ја претставува својата најнова песна – „Води ме“.

Станува збор за современа поп-балада исполнета со емоција, топлина и искреност, која ветува да стане нов фаворит на публиката. Музиката за „Води ме“ ја потпишува Toby Tolga Mazhar, текстот е на Дамјан Стоименовски, а за аранжманот и продукцијата се погрижи Андреј Ник. Комбинацијата на модерниот звук и длабоката емоционалност резултира со песна која ја доловува љубовта во нејзината најискрена форма.

Видеото за песната го сними Јован Јанкуловски на неколку живописни локации, создавајќи визуелна приказна што совршено ја надополнува музиката.

Во спотот се појавува и атрактивна девојка , која со своето присуство додава доза мистерија и романтика. Режијата и визуелниот пристап го истакнуваат уметничкиот идентитет на Дамјан, кој со посветеност и визија создава дело што остава впечаток.