„Игри без граници“ прв винил на Тоше Проески

Музичкото наследство на Тоше Проески добива нова форма на грамофонска плоча.

Албумот „Игри без граници“ за првпат се објавува на винил, овозможувајќи ѝ на публиката да го слушне неговиот глас во врвен аудио квалитет.

Винилот веќе е во претпродажба - ексклузивно на duris.shop во ограничен тираж.

Проектот беше издаден во август 2007 година на македонски и српски јазик, само два месеци пред неговото прерано заминување. Се снимаше во престижни студија низ регионот.

На албумот се наоѓаат песните, страна А-„Душа остана“, „Никој како тебе не бакнува“  „Боже, чувај ја од зло“ „ Месечина“, Игри без граници. На страна Б- „Среќна ли си ти“ „Најдрага моја„,  „Јас не сум виновен“,  „Цреша“, „ Срце није камен“.

Издавач е „Енџел мјузик“, винил ремастеринг е на Кокан Димушевски. Мастеринг и печатење Винил-Сони ДАДЦ Австрија.

Објавувањето на овој албум на Винил претставува чин на зачувување на македонското културно наследство.

Во дигиталната ера, грамофонската плоча нуди трајност и автентична топлина на аналагниот звук.

„Игри без граници“ на винил останува документ за времето кога македонската музика го достигна својот врв преку уникатниот вокал на Тоше Проески.

Ова е навистина момент за македонската музичка историја.

Објавувањето на „Игри без граници“ на винил не е само реиздание, туку и емотивно патување назад кон звукот на ангелот што прерано нè напушти.