Преслушајте ја новата песна со која Ед Ширан ги почести фановите за роденден

Ед Ширан повторно ги изненади своите фанови објавувајќи ја третата композиција од неговиот нов албум „Divide” по повод неговиот роденден.

После огромниот успех на „Shape of you“ и „Castle on the hill“, младиот Британец повторно освојува со една прекрасна, емотивна балада која ќе предизвика топлина во вашето срце, а е насловена како „How Would you feel (Paean)“. Видеото е снимено во живо, вклучува акустична гитара, пијано и тапани за да обезбеди посебна атмосфера која ќе ја почувствувате додека ја слушате оваа романтична композиција.

Феноменалниот Ширан постираше твит во кој вели дека иако песната не е неговиот нареден сингл, сепак е една од неговите омилени. Композицијата ќе се најде на 11 место од вкупно 16 композиции на неговиот нов албум кој треба да излезе до почетокот на март.

Судејќи според успехот на претходните две композиции кои беа пуштени во етер во јануари, а успеаа да стигнат во топ 10 на „Billboard Hot 100“, правејќи го Ширан  првиот артист кој успеал да постави рекорд за најдолго време поминато на врвот (дури пет недели) во историјата на Велика Британија. Се очекува албумот да продолжи по истиот терк и да поставува нови рекорди.

Н. Буџак | Црнобело