Нови божиќни песни што треба да ги додадете на вашата празнична плејлиста

Празничниот шопинг, украсувањето и дружбата со семејството и пријателите се неизбежни овој период.

А, додека го правите сето ова, веројатно сакате да слушате и музика.

Денес постојат безброј божиќни песни, но факт е дека на сите им досади од повеќето. За среќа, познатите артисти секоја година нè изненадуваат со нешто ново, а истото важи и за оваа.

Па ако повеќе не сакате да ги слушате Wham! и Мараја Кери, дајте им шанса на овие нови божиќни песни:

„Christmas Tree Farm“ – Тејлор Свифт

Оваа романтична поп песна ќе ве расположи за љубов. А кога ќе ја слушнете, сигурно ќе сакате да бидете во близина на саканите.

„Like It’s Christmas“ – Jonas Brothers

Оваа песна го има препознатливиот поп-рок звук на бендот и навистина сладок текст за саканата личност.

„All I Want (For Christmas)“ – Лиам Пејн

Можеби насловот ве потсетува на Мараја, но ова е сосема поразлична песна. Ова е балада за „смирување“ со партнерот во празничната сезона.

„Make It to Christmas“ – Алесија Кара

Ако периодов ви е тежок, тогаш ова е песната за вас. Текстот ќе ви помогне да ја погледнете добрата страна на вашата ситуација, а веселата мелодија сигурно ќе ви го подобри расположението.

„Christmas in New York“ – Леа Мишел

Ова е песна за атракциите што ги нуди Њујорк овој период од годината, како лизгањето на мраз во близина на елката пред центарот Рокфелер.

Продолжува на следната страница...