„Мајка ми не те сака, а таа ги сака сите“ – Кога пејачите навредуваат други пејачи во своите песни
Спонзорирано од:
Спонзорирано од ОгласиЗаРабота.мк


„Мајка ми не те сака, а таа ги сака сите“ – Кога пејачите навредуваат други пејачи во своите песни

Не е тајна или ништо необично што американската музичка сцена е исполнета со чудни односи. Кога ѕвездата е изнервирана или лута очигледно постои само еден лек – да се сними песна и јавно да се бламира личноста кон која е вперен прстот.

Koga-pejachite-navreduvaat-drugi-pejachi-01.jpg

Во следните песни нема тајни пораки и на сите им е повеќе од јасно за кои други познати музичари или славни лица пеат популарните ѕвезди:

Канје Вест – Famous

Познато е дека Канје Вест и Тејлор Свифт не се сакаат. Пејачот отиде дотаму што рече дека е позната благодарение на него и сними песна за тоа. Тој дури и не се обиде да го скрие тоа затоа што ја нарекуваше по име во песната.

Тејлор Свифт – Bad Blood

Освен кавгата со Канје, Тејлор многу долго време не беше во добри односи ниту со Кејти Пери. Денес сето тоа е зад нив и тие се пријателки, но Тејлор во едно интервју изјави дека Кејти практично се обидела да ѝ ја саботира целата турнеја кога сакала да ѝ ги „украде“ луѓето кои соработувале со неа.

Тејлор Свифт – Look What You Made Me Do

Многумина мислат дека и оваа песна е за Кејти Пери, но иако никогаш не е официјално потврдено, 99% е сигурно дека таа пее за Канје Вест и Ким Кардашијан. Секој пат кога ќе спомене змијата, таа треба да биде симбол што го претставува токму овој пар.

Џастин Бибер – Love Yourself

Кога излезе оваа песна, Џастин и Селена Гомез раскинаа по којзнае кој пат. На сите им беше јасно кому е посветен стихот: My momma don’t like you / And she likes everyone.

Ед Ширан – Don’t

Со години, обожавателите шпекулираат и се убедени во теоријата дека оваа песна зборува за љубовниот триаголник помеѓу Ед Ширан, Најл Хоран и Ели Голдинг. Ед никогаш не го потврди ова, но рече дека е многу искрен во песната, но исто така и дека станува збор за нешто што го доживеал, односно за некое лично искуство.

Мајли Сајрус – 7 Things

Во далечното минато, Мајли и Ник Џонас беа пар. Додека сè не се распадна, а Мајли пееше за тоа. Во видеото има мали нешта што откриваат дека ова е песна за Ник. Покрај тоа што има фотографија од неа и Ник, таа во видеото носи и ѓердан кој ѝ го подарил токму тој.

Холси - You Shoud Be Sad

Сексапилната пејачка го стави „на тапет“ поранешното момче G-Eazy поради лошиот однос во врската и неговите неверства. Таа отиде толку далеку што во песната го испеа стихот „Драго ми е што немав бебе со тебе“, по што се шпекулираше дека доживеала спонтан абортус за време на нејзината турнеја. 

(О)Милена | Црнобело

Би можело да ве интересира:

5 песни во кои всушност не се пее за љубов Голем дел од нас сметаат дека баладите или барем оние песни кои звучат романтич...
Наместо Ријана, хитот „Umbrella“ ќе го испеела Бритни - Познати песни наменети за други изведувачи Дали може да ја замислите Бритни Спирс како го изведува хитот „Umbrella“ на Рија...
„Ние сме 2“ - Новата песна на Дупер која со нетрпение ја очекувавме Откако ја објавија хит песната „Не сум твој тип“, сите со нетрпение ја очекуваат...

Најчитани неделава