Се поврзува преку музика: Андреа Бочели објави моќно видео од Дубаи, а потоа му пееше на Salt Bae

По спектакуларниот настап во Операта и уживањето во неговата музика проектирана на Бурџ Халифа покрај Дубаи фонтаната, од што објави видео полно со емоции, Бочели го посети и ресторанот на познатиот Salt Bae каде му одржа мини концерт во кујна. 

Дубаи Операта организираше концерт од кој беше дел и легендарниот италијански тенор Андреа Бочели, покрај неколку други музичари од ОАЕ и Израел.

Настанот беше насловен „A Celebration of Peace“ (Прослава на мирот), а неговиот перформанс како и секогаш, се опишува како спектакуларен.

?ref_src=twsrc%5Etfw%7Ctwcamp%5Etweetembed%7Ctwterm%5E1336675284171558913%7Ctwgr%5E%7Ctwcon%5Es1_&ref_url=https%3A%2F%2Fwww.khaleejtimes.com%2Fnews%2Fphotos-uae-israeli-artistes-perform-with-legendary-singer-andrea-bocelli-at-dubai-opera

На неговата Фејсбук страна беше објавено и видео од моментот додека кај Дубаи Фонтаната ужива во неговата музика, со неговиот албум Believe, проектиран на Бурџ Халифа.

Иако не може визуелно да го доживее овој момент, тој се поврзува со светот преку музика, универзалниот јазик, кој допира до душата и срцата, како што тој ја нарекува.

Бочели бил и во посета на ресторанот Nusr-et Дубаи, каде добро познатиот Salt Bae доби специјален концерт во неговата кујна.

Прочитајте и Ослепел на 12 години, сопругата ја запознал кога имала 18, а тој 43: Факти за Андреа Бочели

М. М. | Црнобело