Огнено торнадо во Австралија, мачка со простетички нозе - Најдобрите научни фотографии направени во 2020-та

2020-та беше далеку од добра година, но сепак ни донесе навистина неверојатни научни откритија.

Знаете ли дека минатата година археолозите најдоа фосили од лебарки стари дури 99 милиони години? Минатата година астрономите направија фотографија од создавањето на нова планета, но и фотографија од нашето Сонце со најголемата резолуција досега.

Во продолжение можете да погледнете дел од најдобрите, но и најзначајните научни фотографии за 2020-та година:

Францускиот фотограф Грег Лакур го освои првото место за најдобра подводна фотографија со ова ремек-дело.

На оваа фотографија се гледаат вселенски гас и прашина во маглината Орел, која се наоѓа на околу 7.000 светлосни години од Земјата. Првата фотографија од оваа област беше направена во 1995-та и беше наречена „Столбови на создавањето“ бидејќи прашината и гасот што се гледаат се во процес на создавање нови ѕвезди.

Овде се гледаат внатрешните органи на микроорганизмот познат како тардиград, кој има должина од само 1,5 милиметри. Бидејќи ова минијатурно животно речиси и да нема боја, фотографот и научник Аинара Пинтур му дала храна со флуоресцентни бои за да може да го фотографира.

Неверојатна фотографија од грмотевици над вулканот Таал на Филипините. Фотографијата е направена во јануари, додека вулканот еруптираше.

Во јануари 2020 беше направена фотографија од нашето Сонце со најголема резолуција досега. Фотографијата е направена со помош на соларниот телескоп DKIST.

Ова е една од првите фотографии од новиот корона вирус. Фотографијата ја направиле истражувачите во Rocky Mountain Laboratories, користејќи примерок од заразен пациент од САД.

Овој микроскопски паразит наречен H. salminicola не само што изгледа како вонземјанин, туку е и првото откриено животно на Земјата кое не дише кислород. Во 2020-та научниците првпат детално го разгледаа неговиот генетски код и открија дека паразитот ги изгубил сите гени поврзани со респирација.

На оваа слика се гледа детектор за неутрино, познат како IceCube. Научниците со години се обидуваат да сфатат зошто неутриното нема маса, па затоа го направија и овој детектор кој се наоѓа под мразот на Антарктикот. На сликата е прикажано како изгледа детекторот без мразот околу него.

Продолжува на следната страница...