„Ми се допаѓаа заедно“ – Сопругата на Брус Вилис објави фотка од него и бившата Деми Мур кога беа пар (фото)

Детали

среда, 05 април 2023

„Да, и мене ми се допаѓаа заедно“ – напиша сопругата на Брус Вилис до фотката која ја објави од него и неговата поранешна сопруга Деми Мур, а е направена кога тие беа во брак во 93-та. Дали станува збор за сарказам или искреност? Иако се во одличен однос, многумина не сфаќаат како е можно да не постои љубомора помеѓу поранешната и сегашната сопруга.

По само неколку месеци врска, Брус Вилис и Деми Мур, во 80-тите години стапија во брак, но на големо разочарување на фановите, по 13 години и две деца, се разделија.

Иако двајцата си најдоа нова љубов и продолжија со своите животи, сепак останаа во добри пријателски односи, најмногу заради децата.

Овој однос го негуваат до ден-денес кога нивните деца се возрасни, а Брус е во брак со Ема Хеминг Вилис, со која има и две други деца.

Карантините во пандемијата, Деми Мур ги поминуваше со него и ќерките во семејната куќа, а откако семејството објави за неговата влошена состојба со деменцијата, тие постојано се заедно.

Сегашната и поранешната сопруга на Брус Вилис се во одличен однос, заедно се грижат за актерот и за децата, но сепак еден гест на Ема ги зачуди фановите.

На Инстаграм Стори, Ема објави стара фотка од Брус и Деми, направена во 1993-та година, кога тие беа во брак и напиша: „Да, и мене ми се допаѓаа заедно“.

Инаку, оригинално фотографијата е објавена на фан профил на Брус Вилис, во склоп на албум од повеќе негови фотки по повод 68-иот роденден, а на ниту една ја нема Ема и неговите деца со неа.

Па, дали станува збор за саркастичен одговор од страна на Ема или искреност, што мислите?

Прочитајте и Актерот не е фан на моногамијата - Зошто Брус Вилис и Деми Мур се разделија по 13 години брак?

Повеќе фотки од Брус Вилис и неговата сопруга Ема:

М. М. | Црнобело