Деми Мур и по 12 години е лута на Ештон Кучер: „Ме понижуваше, објави разголена фотка како лежам пијана на шолја“

Детали

сабота, 22 февруари 2025

„Ми покажуваше фотки како лежам врз тоалетната школка, додека повраќам. Во тоа време мислев дека се шегува или дека сака да ми помогне, но подоцна ми стана јасно дека неговата намера била да ме исмее“ - Деми Мур се сеќава на понижувањата кои ги имала во бракот со Ештон Кучер.

Во пресрет на Оскарите, кои ќе се одржат на 3 март 2025, многумина предвидуваат дека Деми Мур ќе ја добие златната статуетка во категоријата за најдобра актерка.

62-годишната глумица веќе неколку месеци е во центарот на вниманието на јавноста, а причината за тоа е улогата во филмот Substance, која ѝ донесе многу награди, но и нејзината прва номинација за Оскар.

И додека сè се врти околу Деми, на површина излегоа нови валкани тајни од времето кога беше во брак со 16 години помладиот актер Ештон Кучер, а кои таа ги раскажа во својата биографија Inside Out.

Деми вели дека била трезна скоро 20 години, кога западнала во депресија и се вратила на старите навики - алкохол и наркотици.

Причината за ова бил спонтаниот абортус, односно бебето што го чекала во бракот со Ештон, а кое го загубила во шестиот месец од бременоста.

Борејќи се со ненадминливата трагедија, Деми почнала да пие многу, а потоа почнала да зема и многу апчиња.

Таа често не знаела каде се наоѓа, што прави, а во една пригода за малку и ќе се удавела во џакузи.

„Сакав да бидам нормална, забавна девојка која ќе оди во чекор со сопругот, зашто мислев дека Ештон сака да сум таква.

Но, по некое време веќе не можев да се контролирам, не знаев како да престанам“ - пишува таа во автобиографијата.

Првото „освестување“ го доживеала на забавата на својот 45-ти роденден.

Тоа што почнало како интимна вечера со неколку пријатели, се претворило во луда журка со текила.

Продолжува на следната страница...