Деми Мур и по 12 години е лута на Ештон Кучер: „Ме понижуваше, објави разголена фотка како лежам пијана на шолја“

Пијана, Деми влегла во џакузи, каде што за малку ќе се удавела.

„Почнав да се заспивам, не можев да ги држам очите отворени. Телото само ми се излизга надолу и потонав.

За среќа, некој од моите пријатели бил надвор, ме видел и ме извади надвор. Ештон беше бесен, па ме крена и ме однесе во спалната соба“ - се сеќава Мур.

Таа вели дека била збунета, бидејќи нејзиниот сопруг ја поттикнувал да пие, но кога „отишла предалеку“, почнал јавно да ја понижува.

„Ме сликаше и ми покажуваше фотки како лежам врз тоалетната школка, додека повраќам.

Во тоа време мислев дека се шегува или дека сака да ми помогне, но подоцна ми стана јасно дека неговата намера била да ме исмее“ - додала таа.

Најголемиот инцидент поврзан со алколизмот на Деми се случил во 2009 година, кога парот присуствувал на венчавката на поранешниот маж на Деми, Брус Вилис, со моделот Ема Хеминг.

Деми повторно се опила, а Ештон овој пат не само што ја фотографирал, туку и ја објавил фотката на Твитер (а таа брзо потоа се најде на насловните на многу светски таблоиди).

„Пссст, не ѝ кажувајте на жена ми“ - напишал тој на фотографијата, на која Деми е свртена со грб, легната врз шолја, само по бели бикини.

Ештон беше критикуван за своето однесување, а во своја одбрана кажа дека таа не била по долна облека, туку по бикини и дека ја прашал дали смее да ја објави фотката.

„Мислев дека му простив, но длабоко во себе сфатив дека не можам да поминам преку некои работи“ - изјави таа.

Парот кој се венча во септември 2005, се раздели во 2011, кога Деми го фатила Ештон во хотелска соба со друга жена.

Таа има изјавено и дека прифаќала секс во тројка само за да го задоволи, но дека неверството било последната капка што ја натерало да стави крај на нивниот брак.

Официјално се разведоа во 2013-та.

Две години подоцна, Ештон се венча со Мила Кунис, со која има две деца.

А. Ј. | Црнобело