Аманда Бајнс по 2 месеца повторно заврши во психијатриска болница – некогашната тин ѕвезда, денес е непрепознатлива

Детали

вторник, 20 јуни 2023

„Пријателите и семејството на Аманда Бајнс веруваат дека таа полуде откако ја напушти свршеникот, па во тоа време им беше страв да бидат покрај неа, бидејќи сметаа дека претставува опасност и за себе и за околината“, пишуваа во март 2023 медиумите, кога актерката беше присилно однесена во психијатриска клиника.

Една од најголемите тинејџерски ѕвезди од 2000-те години, актерката Аманда Бајнс повторно заврши во психијатриска болница. Ѕвездата на филмот „She’s the Man“ и тинејџерските серии на каналот Nickelodeon, со полициска придружба беше однесена од својот дом во Лос Анџелес во болницата за ментални болести, само 2 месеца откако беше пуштена од истата установа.

Претходниот пат Аманда заврши на клиника за лекување од ментални болести, откако шеташе гола по улица.

фото: TMZ

Фотографиите од приведувањето на Бајнс ги објави TMZ.

Американскиот таблоид пишува дека актерката била ставена на 72-часовна евалуација, по што лекарите заклучиле дека претставува опасност и за себе и за околината, па решиле да ја задржат.

Според истиот портал, Бајнс самата повикала полиција и побарала да ја одведат до установата. Иако самата ја контактирала полицијата, таа била пренесена во клиниката со лисици на рацете.

37-годишната актерка во март 2023 година помина 3 недели во психијатриската болница, откако шеташе гола и дезориентирана низ улиците на Лос Анџелес.

Пред да ја напушти болницата, некогашната актерка наводно била подготвена да се врати на нормалниот живот и на своето секојдневие.

Лекарите, пак, наводно ѝ советувале да прекине секаков контакт со поранешниот свршеник, Пол Мајкл.

„Пријателите и семејството на Аманда веруваат дека таа полуде откако ја напушти свршеникот, па во тоа време им беше страв да се покрај неа, бидејќи сметаа дека претставува опасност и за себе и за околината“, пишуваа тогаш медиумите.

Прочитајте и Тинејџерската ѕвезда Аманда Бајнс шетала гола низ Лос Анџелес – присилно е задржана во ментална установа

А. J. | Црнобело