„На децата во лето треба да им е здодевно, за да сакаат да учат“ – Какви родители се Ева Мендез и Рајан Гослинг?

Детали

среда, 02 август 2023

Ева Мендез се откажа од кариерата за да биде посветена мајка на двете ќерки, а нивните фотки вели дека ќе ги објави тогаш кога тие ќе бидат доволно возрасни за да дадат согласност. Какви родители се Рајан Гослинг и Ева Мендез и до кои строги правила се придржуваат во воспитувањето на децата?

Рајан Гослинг (42) и Ева Мендез (49) важат за најтаинствениот пар во Холивуд кој не сака премногу да зборува во јавност за својот приватен живот.

Тие двајца се запознаа во 2011-та година за време на снимањето на филмот The Place Beyond the Pines, каде играа брачен пар со мало дете.

Но, хемијата што ја имаа за време на снимањето резултираше со тоа да започнат врска, па парот живее во складна заедница веќе 12 години.

Во 2014-та година тие ја добија ќерката Есмералда, а во 2016-та ќерката Амада. Тие ретко зборуваат за заедничкиот живот, но се знае дека се мошне посветени родители, кои имаат стриктни правила до кои се придржуваат во воспитувањето на ќерките.

Ева во една пригода откри дека се чувствува гордо затоа што ја паузирала кариерата и во целост им се посветила на ќерките Есмералда (9) и Амада (7).

„Мајка ми беше во можност да биде тука за мене и беше дома сѐ додека јас не наполнив 8 или 9 години и тие спомени ме формираа како личност. Се чувствувам среќно што можам да го поминувам времето со нив“ – рече таа.

Следуваат неколку важни правила до кои Ева и Рајан се придржуваат кога ги воспитуваат децата:

Не постои машка и женска работа

Во едно интервју Ева зборуваше за начинот на кој ги воспитуваат децата.

„Се надевам дека успеваме да им покажеме на моите ќерки дека не постојат улоги за секој пол и дека ќе сфатат дека ние сме партнери во сѐ, не само Рајан и јас, туку и децата заедно со нас“ – рече Ева.

На Рајан му е најважно да биде татко, пред сѐ!

Познато е дека Ева Мендез ја жртвуваше својата кариера за да биде со децата и семејството, но факт е дека и Рајан донел некои одлуки во кариерата кои му овозможиле да биде повеќе вклучен во животот на ќерките.

„Јас пред сѐ сум татко, и делумно одлуката да играм во филмот The Gray Man ја донесов затоа што имав можност да патуваме како семејство и да бидам со моите деца“ – рече тој во едно интервју.

Немаат дадилки

За разлика од голем број други познати парови, Ева и Рајан не сакаат да имаат дадилки кои ќе се грижат за нивните деца.

Ова особено тешко им паднало во периодот на пандемијата, кога сите биле затворени дома, без никаква помош од вработени лица.

Продолжува на следната страница...