„Не можеме да најдеме лек“: Сестрата на Селин Дион прозборе за пејачката која боледува од синдром на вкочанета личност
- Детали
- петок, 04 август 2023
„Селин секогаш даваше сè од себе на настапите, секогаш мораше да биде најдобра, во врвна форма. Но, во некој момент телото и срцето ти испраќаат порака која мора да ја слушаш“, вели сестрата на славната пејачка, која има синдром на вкочанета личност.
Здравјето на Селин Дион, која боледува од ретка невролошка болест позната како синдром на вкочанета личност, се влошува. Ова за канадските медиуми го откри нејзината сестра Клодет, која заедно со нивната сестра Линда, се грижи за пејачката.
„Не можеме да најдеме лек кој функционира, но важно е да не ја изгубиме надежта“, рекла Клодет во интервјуто.
Селин (55) во декември 2022 откри дека на Дион ѝ е дијагностицирана ретка невролошка болест, позната како Stiff Person Syndrome (синдром на вкочанета личност) која предизвикува нагло грчење на мускулите кое не може да се контролира.
Со текот на времето, телото на личноста со синдромот може целосно да се здрави, а болеста ја претвора личноста во „жива статуа“.
Од оваа болест страдаат околу еден милион луѓе и таа постепено го „здрвува“ телото во одредени положби, па пациентите не можат ниту да се движат, ниту да зборуваат.
Во мај 2023, пет месеци откако јавно прозборе за својата болест, Селин ја откажа светската турнеја. Таа рече дека е скршена, но и дека се надева дека еден ден повторно ќе запее на концерт.
Сепак, интервјуто на Клодет не им влева многу надеж на фановите.
„Искрено, мислам дека сега само треба да мирува. Таа секогаш даваше сè од себе на настапите, секогаш мораше да биде најдобра, да биде во врвна форма.
Но, во некој момент телото и срцето испраќаат порака која мора да ја слушаш“, вели Клодет.
Таа кажала и дека работи со тим врвни експерти кои прават истражувања и се обидуваат да најдат лек за пејачката.
Иако резултатите не ветуваат многу, семејството се надева дека таа еден ден сепак ќе биде добра и ќе може да се качи на сцената.
„За среќа, Селин ги слуша препораките од експертите. Неа ѝ е многу важно да настапува, да биде со својата публика и сите се надеваме дека еден ден ќе успее во тоа“, додала Клодет.
„Сакам да знаете дека не се откажувам. И едвај чекам да ме видите повторно како пеам“, рече Селин во една од своите последи пораки до обожавателите.
Таа тогаш додаде дека чувствува огромно разочарување што мора да ја откаже турнејата и дека срцето ѝ е скршено, но болеста е посилна од неа.
Прочитајте и Првиот албум го издаде на 12 години, победи на Евровизија – импресивната кариера на Селин Дион, низ фотки
А. Ј. | Црнобело
Би можело да ве интересира:
Препорачуваме
Најчитани неделава
