Анџелина Џоли е мета на критики дека ги „турка“ своите деца во Холивуд - ќерката на 15 години ѝ стана личен асистент

Детали

четврток, 17 август 2023

Во јавноста не престануваат коментарите дека Анџелина Џоли го поттикнува непотизмот во Холивуд, откако ангажираше три од своите 6 деца да работат со неа на филмски и театарски проекти.

Анџелина Џоли повторно е мета на критики, откако ја ангажираше својата 15-годишна ќерка Вивиен да ѝ биде личен асистент за новиот мјузикл што ќе се игра на Бродвеј.

Во јавноста не престануваат коментарите дека Џоли го претвора Холивуд во семејна приказна.

Таа прво ги ангажираше двата посвоени сина, Пакс и Медокс, да работаат во одделот за режија на нејзиниот најнов филм Without Blood, а сега предложила нејзината најмала ќерка да ѝ биде личен асистент.

Вивиен ќе работи со својата мајка на Бродвеј, на мјузиклот The Outsiders, каде што Џоли е продуцент.

„Ме потсетува на мајка ми Вивиен, бидејќи не сака да биде во центарот на вниманието, туку да поддржува други креативни луѓе.

Таа е сериозна и внимателна кога е театарот во прашање и разбира како може да придонесе за проектот“, изјавила Анџелина и не сакала да ги коментира „обвинувањата“ за непотизам.

Мјузиклот ќе биде адаптација на се романот на С. Е. Хамилтон Outsiders, но и на филмот со истото име што Френсис Форд Копола го сними во 1983 година.

Инаку, не е првпат Џоли да ги вклучува децата во своите проекти.

Пакс и претходно соработуваше со својата мајка на филмот First They Killed My Father во 2017 година. Тој тогаш фотографираше на снимањето на филмот и некои од неговите фотки беа објавени во јавноста.

Пакс е огромна поддршка на својата мајка, па тој ја следеше на нејзиното последно патување во Њујорк каде што Џоли се сретна со свои деловни партнери и филмски работници.

„Непотребни се коментарите дека Анџелина ги турка своите деца во Холивуд. Тие растат, гледаат што се случува, сакаат да ѝ помогнат, а притоа знаат најдобро што ѝ треба на нивната мајка, бидејќи растеле покрај неа и ги знаат од деца тајните на занаетот“, изјавил анонимен извор за медиумите.

Џоли, освен Медокс (22), Пакс (19) и Вивиен (15) ги има и Захара (18), Шајло (17) и Нокс (15) кој е близнак на Вивиен

А. Ј. | Црнобело