Блејк Лајвли блесна во златен комбинезон, Ким Кардашијан со дуксер: Што носеа ѕвездите на Модната недела во Њујорк?

Детали

вторник, 12 септември 2023

Додека Блејк Лајвли не остави никого рамнодушен со златниот комбинезон, Ким Кардашијан одбра малку чудна комбинација од црни панталони, дуксер и долг кожен мантил со змиски принт и ги подели мислењата. Што носеа ѕвездите на Модната недела во Њујорк?

Модната недела во Њујорк е еден од најголемите настани во светот на модната индустрија.

Годинава Модната недела трае од 7-ми до 13-ти септември и во овој период во Менхетн се одржуваат бројни модни ревии и промотивни настани од најпознатите дизајнерски куќи.

На настанот присуствуваат дел од најголемите ѕвезди во шоу-бизнисот кои се појавуваат во впечатливи модни изданија што привлекуваат повеќе внимание и од самите ревии.

Од познатите можеби најмногу се истакна Блејк Лајвли, која блесна во златен комбинезон со тенок ремен и златен накит.

Ким Кардашијан, пак, беше забележана со необична комбинација од широки панталони, дуксер и долг кожен мантил со змиски принт.

Ријалити ѕвездата беше во друштво на милијардерот Џеф Безос и неговата свршеница Лорен Санчез која носеше тесен црн фустан.

На друг настан во склоп на модната ревија, Лорен се појави и во мошне провокативно издание – носеше краток светкав црн фустан, украсен со везови во форма на ѕвезди.

Нејзиниот сакан избрал полежерна комбинација од панталони, маичка и елек.

На модните ревии се појавија и ѕвезди како Џеј Ло, Хали Бери, Џиџи Хадид... Некои познати личности присуствуваа и на повеќе настани.

Дел од впечатливите модни изданија на Модната недела во Њујорк:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело