Креирала посебен секси костум за да го заведува, се вљубил во нејзината „злоба“ – Амбер Херд оцрнета во новата биографија на Илон Маск

Братот на Илон, Кимбал, и вработените во Tesla во книгата го споделуваат своето мислење за Амбер, кое не е воопшто позитивно.

„Таа беше токсична личност. Кошмар. Таа беше како Џокер во Batmаn.

Главна цел ѝ беше да создава хаос. Таа се радува кога дестабилизира сѐ.

Маск остануваше по цела ноќ буден за да се расправа со неа, а потоа не можеше да стане до пладне“ – вели Сем Телер, шеф во компанијата Tesla, и близок соработник на Маск.

Оваа врска ја опишуваат како „црна дупка“ која воедно е најболната во која милијардерот некогаш бил.

„Маск не е создаден за мирен семеен живот. Најголемиот број негови врски се психолошко измачување.

Најболната од сите беше со актерката Амбер Херд која го одведе во црна дупка и траеше повеќе од една година, а му нанесе болка која тој и до ден-денес ја трпи. Беше брутално“ – пишува Волтер Исаксон, авторот на биографијата.

Братот на Маск, Кимбал сподели детали за тоа што довело до раскинувањето помеѓу Илон и Амбер, кое се случило за време на едно патување во Рио де Жанеиро во 2017-та година.

Илон и Амбер биле заедно со Кимбал и некои од децата на милијардерот, кога по бурна расправија актерката одлучила да се заклучила во собата и почнала да вреска дека милијардерот ќе ја нападне и дека ѝ го земал пасошот.

„Таа навистина е добра актерка и кога ќе почне да раскажува нешто, си помислуваш: ‘Леле можеби ти ја кажува вистината’. Но, тоа не е така.

Начинот на којшто успева да си креира сопствена реалност во голема мера ме потсетува на татко ми“- вели Кимбал.

Периодот по раскинувањето во 2017-та година Илон го опиша како „18 месеци на немилосрдно лудило“ што било „неподносливо болно“.

Вели дека често се појавувал на средбите со инвеститорите во „коматозна“ состојба и барал да го остават сам во темна соба.

Но, брат му тврди дека бил среќен што конечно Амбер си заминала од нивните животи.

„Брат ми се вљубува во жени што се злобни со него. Тие се убави, немам зборови, но имаат темна страна и Илон знае дека се токсични“ – вели тој.

Партнерката Грајмс со која Илон Маск доби 3 деца вели дека таа има една суштинска разлика со Амбер, што не го привлекува милијардерот.

„Мојот живот најверојатно би бил хаотично добро, додека нејзиниот е ‘хаотично зло’, а него го привлекува хаосот на злото.

Најверојатно тоа е поради татко му и начинот на којшто израснал, па затоа повеќе сака да го третираат лошо. За него љубов е кога некој со него е злобен или го малтретира“ – вели таа.

Б. С. Б. | Црнобело