Креирала посебен секси костум за да го заведува, се вљубил во нејзината „злоба“ – Амбер Херд оцрнета во новата биографија на Илон Маск

Детали

четврток, 14 септември 2023

За да го заведе, креирала костим инспириран од неговиот омилен карактер од видео игра. Милијардерот тврди дека по раскинувањето трпел неизмерна болка, а на блиските им олеснало што ја нема жената која наликувала на Џокер од филмот Batman – Илон Маск за првпат ги сподели сите детали за врската со Амбер Херд.

Минатата година, врската помеѓу Амбер Херд и Илон Маск беше топ тема за време на судењето на актерката и нејзиниот поранешен сопруг, Џони Деп, коga беа објавени видео снимки од нивните тајни средби во станот на актерот.

Маск во тој период се трудеше да се огради и да не зборува премногу за неговата врска со Амбер, но сега, во неговата биографија напишана од страна на Волтер Искасон, се споделени детали за тоа како се одвивала нивната врска.

Сѐ на сѐ, Илон вели дека нивната врска била „брутална“.

Основачот на Tesla, тврди дека тој првпат ја видел Амбер во 2013-та година, но врската ја започнале дури по 4 години, откако таа ги поднела документите за развод со Џони Деп.

Во биографијата се открива дека нивните први средби најчесто биле на работните места.

Амбер го посетила Маск во неговата фабрика во Калифорнија за да го изненади за роденденот, а тој ja посетил на снимањето на филмот Aquaman во Австралија.

Амбер толку многу се вложувала за да успее нивната врска, па потрошила два месеци на тоа да го дизајнира и да го изработи костумот за нивните „игри на улоги“ за време на интимните средби, откако тој ѝ рекол дека го потсетува на неговиот омилен лик од видео игра, Мерси од Overwatch.

По објавувањето на книгата, Илон Маск на Твитер сподели фотографија од костимот што го носела Амбер.

Во биографијата на Маск, и неговите блиски споделуваа свои изјави за тоа како изгледала врската со Амбер, а тие немаат некои пофални зборови за неа.

Продолжува на следната страница...